Æfingaplan fyrir heila viku

Hæ krakkar !

Brynjar og kennararnir eru búnir að útbúa flott æfingaplan fyrir ykkur til að fara eftir. Þið ættuð að skipuleggja vikuna eftir þessu plani og með því að fara eftir því í vor og sumar þá er víst að þið munuð bæta ykkur umtalsvert. Æfingaplanið er í skjalasafninu.

Bless í bili.

Nú styttist í fyrstu mótin

Jæja krakkar,

nú er bara rúmur mánuður þangað til fyrsta stigamót unglinga árið 2008 hefst. Við höfum útbúið gátlista sem gott er að fara yfir fyrir hvert mót til þess að passa upp á að ekkert vanti þegar komið er út á völl. Gátlistinn er í tenglinum Miklivæg skjöl. Við mælum með því að þið prentið hann út fyrir hvert mót og merkið við atriðin á listanum þegar þið takið saman búnaðinn fyrir mótið.

Sumardagurinn fyrsti

Frí verður frá æfingum barna og unglinga sumardaginn fyrsta 24. apríl næstkomandi. Unglinganefnd og kennarar óska ykkur öllum gleðilegs sumars og þökkum veturinn sem er að líða.

Með bestu kveðjum
Unglinganefnd og kennarar

US Kids Golf í Skotlandi

Seinnipartinn í maí verður haldið í Skotlandi golfmót á vegum US Kids Golf. Mótið er fyrir krakka 14 ára og yngri og eins og margir hafa tekið eftir þá ætlar GKJ að senda nokkra krakka á mótið. Mótið fer fram á nokkrum völlum rétt austur af Edinborg, á svokölluðu East Lothian svæði, og þetta er fínt tækifæri fyrir þá krakka sem hafa áhuga á að keppa í útlöndum. Vonandi á GR eftir að eiga fulltrúa á þessu móti í framtíðinni.

Allt um US Kids Golf mótið í Skotlandi

US Kids Golf umfjöllun um þetta mót

Frétt GKJ um þátttakendur

Reglur fyrir ferðir á vegum GSÍ

Hæ krakkar !

Golfsamband Íslands hefur nú sent frá sér reglur sem gilda eiga í æfinga- og keppnisferðum á vegum sambandsins. GR hefur átt marga fulltrúa sem farið hafa í þannig ferðir og vonandi verður framhald á því. Mikilvægt er að allir sem fara í ferðir á vegum GSÍ viti hvernig reglurnar hljóða og fylgi þeim að öllu leyti. Við höfum sett reglurnar inn á Skjalasafn og leggjum áherslu á að allir GRingar kynni sér þær vel og vandlega.

Í næstu viku er spáð 8° hita og sumarið hlýtur að fara að koma !

Foreldrafundur í Grafarholti

Foreldrafundur barna og unglingastarfs Golfklúbbs Reykjavíkur verður haldinn í golfskálanum í Grafarholti miðvikudaginn 30. apríl næstkomandi. Fundurinn hefst kl 20:00. Á fundinum verður farið yfir sumarstarfið og ábendingar foreldra um starfið teknar fyrir.Við hvetjum alla foreldra að mæta.

Með kveðju,
Unglinganefnd og kennarar

Æfingar í maí

Nú líður að prófum í flestum skólum landsins. Æfingar í maí halda sínum tímum og verður engin breyting á æfingatöflum gerð. Vinsamlegast látið viðkomandi þjálfara vita ef að þið komist ekki.

Ólafur Már Sigurðsson sími 840 7822
Gunnlaugur Elsuson sími 896 8789

Myndir frá Spáni

Það eru komnar myndir frá ferðinni til Spánar inn á myndasíðuna. Það er greinilegt að það hefur verið mikið fjör og mikið spilað og æft. Kíkið inn á myndasíðuna.

Áhugaverðar síður

Brynjar kom með nýja linka í erlendar golfsíður. Kíkið á "slóðir í golfsíður" vinstra megin í valmyndinni. Nýju linkarnir fjalla um Q school í Bandaríkjunum anars vegar og þjálfun afrekskylfinga hins vegar.

Unglingaleiðtogi GR

Jóhann Kristján Hjaltason hefur hafið störf að nýju sem unglingaleiðtogi og aðstoðamaður íþróttastjóra. Jóhann verður með yfirumsjón unglingastarfsins sem meðal annars felst í því að skipuleggja og þróa starfið og jafnframt vera unglingum og foreldrum innan handar.

Við bjóðum hann velkominn aftur til starfa og óskum honum velfarnaðar í starfinu í sumar.