ATH breytt tímasetning á Spánarferð.....!

Sæl kæru kylfingar og aðstandendur

Eftir fundinn þar sem kynnt var æfingaferð vorsins kom í ljós að lokapróf PGA golfkennara verður á sama tíma og ferðin okkar átti að vera í lok mars.  Þar sem okkar ástkæri og ómissandi þjálfari Árni Páll er einn þeirra sem fer í lokaprófið er ekkert annað í stöðunni en að færa ferðina okkar.

Eftir mikil fundarhöld og frábært viðmót Harðar hjá Heimsferðum hefur málið verið leyst með þeim hætti að við förum  út 10.-19. apríl.  Helstu kostir þess að fara á þessum tíma frekar en um miðjan mars eru þeir að við komum heim einum mánuði fyrir fyrsta mót, sem við teljum mikilvægt.  Þá eru auðvitað líkur á að veðrið verði betra á þessum tíma.

Ferðin verður 9 nætur í stað 7 og verður því dýrari en það verða aðeins um kr. 5.000 sem bætast við kostnað hvers og eins, sem verður að teljast frábært.

Allt annað verður að mestu eins og kynnt var á fundinum á Korpunni.

Við vonum að þessi breyting valdi ekki óþægindum og erum sannfærðir um að þetta verður frábær byrjun á góðu golfsumri hjá okkur.

Nánari upplýsingar verða sendar á næstu dögum.

Kveðja
Þjálfarar og unglinga- og afreksnefnd

Örn farinn heim, vegna veikinda

Ég varð að fara heim vegna þess að ég var orðinn kaldur og leið ekki vel. Þeir sem vilja mæta og slá geta fengið bolta í afgreiðslunni.

Kv Örn

Mikilvæg skjöl: Rammaskipulag GR & Afreksstefna GSÍ

Hér fyrir neðan má finna tvo linka á mikilvæg skjöl sem allir í starfinu ættu að kynna sér. Annars vegar er um að ræða Rammaskipulag Barna og Unglingastarfs GR og hins vegar Afreksstefnu GSÍ.
Bæði þessi skjöl innihalda mikilvægar upplýsingar sem bæði foreldrar/forráðamenn og þáttakendur í starfi GR þurfa að kunna skil á.
Í afreksstefnu GSÍ er hægt að sjá meðal annars þær viðmiðunarreglur sem afreksnefnd sambandsins hefur sett kylfingum til að komast í æfingahópa GSÍ.

1.  http://grgolf.is/servlet/file/RAMMASKIPULAG.pdf?ITEM_ENT_ID=18153&COLLSPEC_ENT_ID=64        Rammaskipulag GR

2.  http://issuu.com/golf-iceland/docs/afreksstefna            Afreksstefna GSÍ

Mbk, þjálfarar

Mættur á svæðið........

Loksins er ég mættur á svæðið og er rosalega spenntur að hitta ykkur öll í næstu viku.......:-)

Mbk
Árni Páll

Minnum á fundinn í kvöld

Við minnum á fundinn í kvöld, um æfingaferð afrekshópa í vor, kl. 20.00 í golfskálanum á Korpu.

kv Þjálfarar 

Allar æfingar hjá Andra eru á Korpu í dag.

Allar æfingar hjá Andra verða á Korpu í dag milli 17 og 19 en ekki í Básum. Allir eiga að mæta á þessum tíma. Engir einkatímar eru í dag heldur allir að mæta á sama tíma á Korpu milli 17 og 19.

Kv Andri...

 

Allar æfingar hjá Arnari falla niður í dag 7.12.2011

Allar æfingar hjá Arnari falla niður í dag vegna þess að hann er í prófi. 

kv..Arnar 

Æfingar hjá Erni í básum á morgun, 7.12.2011, falla niður vegna veikinda

Staðan á mér er óbreytt og á samkvæmt læknisráði að forðast að vera mikið úti. Ég mun því ekki mæta á æfingu á morgun, miðvikudag 7.12.2011. 

Enn og aftur ráðið þið hvort þið mætið eða ekki. Þið getið fengið bolta í afgreiðslunni ef þið mætið.

kv Örn 

Æfingar hjá Andra og Arnari í Básum falla niður í dag 6.12.2011.

Æfingar hjá Andra og Arnari í básum í kvöld falla niður. Þeir sem vilja mæta geta fengið bolta í afgreiðslu. 

kv Andri og Arnar

Örn verður að sleppa æfingu á mánudag, 5.12.2011.

Ég er búinn að vera veikur fyrir undanfarnar tvær vikur og nálægt því að verða veikur og leggjast í rúmið. Nú er svo komið að ég er við það að fá lungabólgu ef ég passa mig ekki vel. Samkvæmt læknisráði er ekki æskilegt að ég sé úti í miklu frosti og af þeim sökum mun ég ekki geta mætt á æfingu á mánudaginn 5.12.2011. Ég mun hinsvegar mæta á æfinguna á Korpu þriðjudaginn 6.12.2011. Við sjáum svo til með miðvikudaginn hvort það verður einhver breyting.

Þið ráðið því hvort þið mætið eða ekki og æfið þó svo að ég sé ekki á staðnum. Ég mun þá koma hlutum þannig fyrir að þið fáið bolta.

Ég vona að ég lagist fljótt og örugglega þannig að við getum haldið áfram af fullum krafti.

kv Örn