ESJUGANGAN, OG KOMA SVOOOOOOO!

Á laugardag ætlum við að ganga á Esjuna saman. Það eru ansi margir að koma með afsakanir og ætla ekki að mæta. Ef við finnum ekki fyrir meiri áhuga þá verðum við að hætta við ferðina.

Reynum nú öll að vera með og eiga góðan dag saman.

Við ætlum að hittast kl 10:00 á bílastæðinu og gera okkur klár í fjallið. Pössum okkur að vera í góðum gönguskóm og klæða sig eftir veðri. Það er líka mjög gott að hafa göngustafi og ekki má gleyma nestinu, gott að hafa með sér drykk og smá snakk í gönguna og geyma restina í bílnum. Það væri gaman að sjá sem flest ykkar og að sjálfsögðu eru foreldrar, systkini, ömmur afar velkomin með okkur.

 Sjáumst á TOPPNUM.......

 

BREYTINGAR Á ÆFINGATÍMUM

Breytingar hafa verið gerðar á þriðjudags- og fimmtudags- Korpu æfingum hjá eftirfarandi AFREKSHÓPUM:

ÞRIÐJUDAGAR:   16:00-18:00 STÚLKUR B (ekki breyting á tíma)

                            18:00-20:00 DRENGIR D (ekki breyting á tíma)

                            18:00-20:00 STÚLKUR A (breyttur tími)

FIMMTUDAGAR:  16:00-18:00 DRENGIR B (ekki breyting á tíma)

                            18:00-20:00 DRENGIR C (ekki breyting á tíma)

                            18:00-20:00 DRENGIR A (breyttur tími)

Þessar breytingar eru í gildi þar til sumartaflan tekur við.

Kv, Árni Páll

Doddinn okkar flottur !

Þórður Rafn sigursæll á lokahófi hjá St. Andrews

Þórður Rafn Gissurarson, kylfingur úr GR, hlaut Robert Renfrow „Peanut" Doak verðlaunin við hátíðlega athöfn hjá St. Andrews Presbyterian háskólanum frá Norður-Karólínu. Verðlaunin eru gefin þeim lokaársnema sem þykir skara fram úr innan íþróttadeildar háskólans. Það eru yfirþjálfarar íþrótta í skólanum sem útnefna verðlaunahafa og í ár var það Þórður Rafn sem varð fyrir valinu.

Í samtali við Kylfing.is sagðist Þórður vera mjög ánægður með verðlaunin. „Ég er mjög ánægður með að hafa hlotið þessi verðlaun. Það eru margir góðir íþróttamenn í skólanum sem spila aðrar íþróttir og að vera valinn bestur af þeim er mikill heiður."

Kemst ekki í landsúrslit

Tímabilinu hjá Þórði er lokið en hann var með 73,6 högg að meðaltali í 11 mótum á þessu skólaári. Hann hafði gert sér vonir um að komast í landsúrslit sem einstaklingur í 2. deildinni í háskólagolfinu en ekkert varð úr því eftir að óvænt úrslit urðu í öðrum svæðisúrslitum.

Segja má að Þórður hafi rakað inn verðlaunum því hann var einnig valinn mikilvægasti leikmaðurinn í golfliðinu og fékk að auki verðlaun fyrir góðan námsárangur. Núna mun hann halda til Myrtle Beach í Suður Karólínu og mun æfa og spila þar í viku. „Ég ætla að taka góða æfingatörn og koma mér í gott keppnisform fyrir fyrsta stigamótið í Eyjum," sagði Þórður að lokum.

Myndir/Kylfingur.is: Þórður Rafn rakaði inn verðlaunum á lokahófi hjá St. Andrews skólanum.

Framundan hjá unglingastarfi

LAUGARDAGINN 8. maí

„BYRJUM SUMARIÐ Á TOPPNUM“ Fjölskyldudagur á Esjunni þar sem boðið verður upp á þrjár gönguleiðir.  Mæting á bílaplan kl 10 með nesti og nýja skó.

 

ÞRIÐJUDAGURINN 11. maí

FYRIRLESTUR í golfskálanum Grafarholti kl 19:00.  Nánari upplýsingar síðar.

 

FIMMTUDAGURINN 13. maí

UPPSTIGNINGARDAGUR, FRÍ Á ÆFINGUM ÞENNAN DAG

 

FIMMTUDAGURINN 20. maí

Æfingahringur fyrir 1. Stigamótið GSÍ í Leirunni.  Nánari upplýsingar síðar.

 

LAUGARDAGURINN 22. maí

Áskorendamótaröðin #1 GSG Sandgerði.

 

HELGIN 22. – 23. maí

Stigamót GSÍ #1 í GS, Leirunni.  

 

MÁNUDAGURINN 31. maí

Sumarstarf hefst eftir sumartöflum. (hægt að nálgast töflurnar hér á síðunni til vinstri undir "skjalasafn")

 

Kveðja Árni og Siggi

"Spánn Open 2010"

Í frábærlega vel heppnaðri Spánarferð okkar var haldið tveggja daga flokkaskipt golfmót. Hér á eftir eru úrslit úr mótinu .

Heiðursverðlaun

Kjartan Bogason

Stúkur 12 ára og yngri

1. sæti Gerður Hrönn Ragnarsdóttir

Stúlkur 13 ára og eldri

1. sæti Sunna Víðisdóttir

2. sæti Hildur Þorgeirsdóttir

3.-4. sæti Íris Katla Guðmundsdóttir

3.-4. sæti Guðrún Pétursdóttir

Drengir 12 ára og yngri

1. sæti Patrekur Ragnarsson

2. sæti Eggert Kristján Kristmundsson

3. sæti Sindri Þór Jónsson

Drengir 13-15 ára

1. sæti Bogi Ísak Bogason

2. sæti Óttar Magnús Karlsson

3. sæti Kristinn Reyr Sigurðsson

Drengir 16-18 ára

1. sæti Halldór Atlason

2. sæti Gísli Þór Þórðarson

3. sæti Jóhann Gunnar Kristinsson

 

STRÁKARNIR ERU LENTIR..........!

Jæja elskurnar, þá erum við Spánarfararnir loksins lentir eftir mikið ævintýri og frestanir vegna eldgossins . Æfingar hefjast því eftir stundatöflu í dag hjá Árna Páli og Sigga Pétri.

Á morgun, fimmtudag, falla æfingar niður enda sumardagurinn fyrsti.....

Hlökkum til að sjá ykkur öll hress og kát á eftir.

Kv Árni og Siggi

PÁSKAFRÍ

Núna er páskafríið okkar byrjað og viljum við strákarnir nota tækifærið og óska öllum gleðilegra páska. Þó frí sé frá æfingum eru Básar opnir um páskana og að sjálfsögðu Litli völlurinn á Korpu.

Æfingin skapar meistarann!

Sjáumst svo hress aftur að páskafrí loknu en æfingar hefjast aftur eftir stundatöflu eins og hér segir:

Almennt starf mánudaginn 12. apríl

Afrekshópar þriðjudaginn 20. apríl

 

Páskakveðjur Árni og Siggi

Takk fyrir góða mætingu

Við vildum nota tækifærið og þakka öllum þeim sem mættu á upplýsingarfundinn fyrir Spánarferðina og einnig þeim sem mættu á reglukvöldið í gærkvöldi. Það var frábær mæting á Spánarfundinn og greinilegt að mikill spenningur er að skapast enda ekki nema 10 dagar í brotför.......... 

Við lofuðum á fundinum að setja inn stundatöfluna fyrir Spánarferðina á síðuna fyrir fólk að hala niður. Því miður erum við að lenda í vandræðum með að tengja skjöl við síðuna, því biðjum við fólk að senda okkur tölvupóst með ósk um viðkomandi skjal og við sendum það um hæl.

Í dag er síðasti æfingadagur fyrir páska og viljum við senda öllum í starfinu og fjölskyldum þeirra páskakveðju.

Æfingar hjá almennu starfi hefjast svo eftir páskafrí mánudaginn 12. apríl

Æfingar hjá afreks starfi hefjast aftur eftir páskafrí þriðjudaginn 20. apríl

Kv, Árni Páll og Siggi Pétur

 

Stefán Már flottur á Spáni

Stefán Már lenti í öðru sæti á Spáni!

Stefán Már Stefánsson, atvinnukylfingur úr GR, gerði heldur betur góða hluti á Al Torreal Open mótinu á spænsku Hi5 mótaröðinni. Hann lék lokahringinn á 69 höggum, þremur höggum undir pari, og varð í öðru sæti í mótinu. Hann varð jafn heimamanninum Ignacio Sanchez Palencia á samtals sjö höggum undir pari í öðru sæti.

Það var Írinn Paul O'Hanlon sem vann mótið en hann datt inn á frábæran hring í dag þegar hann lék á 65 höggum eða sjö höggum undir pari. Hann varð einu höggi á undan þeim Stefáni og Palencia á samtals átta höggum undir pari.

Þetta er besti árangur Stefáns á Hi5 mótaröðinni en hann hefur leikið á henni með nokkuð reglulegu millibili undanfarin ár. Núna tekur við gott frí hjá Stefáni og mun hann næst mæta til leiks á þýsku EPD-mótaröðinni sem hefst á nýjan leik í byrjun maí.

Fyrir annað sætið hlýtur Stefán Már um 1875 evrur í sinn hlut en það gerir um 320 þús. íslenskra króna miðað við núverandi gengi.

ÚRSLIT ÚR EINNAR KYLFU KEPPNI!!

Í dag var keppt í einnar kylfu keppni á litla vellinum á Korpunni. Það er óhætt að segja að veðurguðirnir hafi leikið við okkur því rjómablíða var á vellinum meðan á keppni stóð og skemmtu krakkarnir sér vel.

Hörð keppni var í öllum flokkum, góð skor og baráttan mikil.

Sigurvegarar eru eftirfarandi:

Stúlkur 12 ára og yngri

 Eva Karen Björnsdóttir - 48 högg

 Gerður Hrönn Ragnarsdóttir - 48 högg

Stúlkur 13 ára og eldri

 Ragnhildur Kristinsdóttir - 41 högg

Drengir 12 ára og yngri

 Kristófer Daði Ágústsson - 32 högg

 

Drengir 13-15 ára

 Kristinn Reyr Sigurðsson - 34 högg

 Eiður Rafn Gunnarsson - 34 högg

Drengir 16-18 ára

 Arnar Óli Björnsson - 31 högg

 

Við óskum sigurvegurum innilega til hamingju og minnum á fundina á morgun í Grafarholti:

Fundur fyrir Spánarfara 19:00 - 20:00

Reglufundur 20:00 - 22:00 Skyldumæting

-Verðlaun verða afhent á fyrstu æfingu eftir páska.

Kveðja Árni og Siggi