Keppni og Fundur

Eins og fram hefur komið hér á síðunni þá er EINNAR KYLFU KEPPNIN okkar á Korpunni milli 16-18:00. Veðrið virðist ætla að leika við okkur í dag en tökum samt með okkur húfur, lúffur osf. Njótum þess að spila á grasi........................!

Svo viljum við minna alla á fundina á morgun:

Kl. 19:00-20:00 verður haldinn upplýsingafundur fyrir alla krakka, foreldra og forráðamenn sem eru að fara í SPÁNARFERÐINA.                                                                             

Kl. 20:00-22:00, verður framhald af reglukvöldinu sem við áttum fyrr í vetur.

Hefðbundin kennsla fellur niður þennan dag en  skildumæting er á reglukvöldi.

Sjálft Páskafríið er svo eftirfarandi:

Byrjar MÁNUDAGINN 29. mars. og æfingar hefjast svo aftur samkvæmt stundatöflu MÁNUDAGINN 12. apríl.

Að lokum látum við fylgja með mynd af veðurkorti dagsins á Spáni.....

 

Doddinn okkar sigrar í USA, áfram GR

Þórður Rafn sigraði í fyrsta sinn á háskólamóti

Þórður Rafn Gissurarson, kylfingur úr GR, gerði sér lítið fyrir og stóð uppi sem sigurvegari á Hurricane Fusillade Challenge háskólamótinu sem fram fór um helgina. Leiknir voru tveir hringir í mótinu og varð Þórður eini kylfingurinn sem lék undir pari.

Hann lék báða hringina á 71 höggi og lék hringina því samtals á tveimur höggum undir pari. Þetta er fyrsti sigur Þórðar í háskólagolfinu og í þriðja sinn á þessu ári sem hann er í topp-5 í móti.

Þórður Rafn hefur leikið með St. Andrews Presbyterian skólanum frá Norður-Karólínu undanfarin tvö ár. Skólinn tók ekki þátt í liðakeppni í mótinu en sendi þess í stað nokkra kylfinga til að keppa í einstaklingskeppninni. Hefði skólinn verið með þá hefði hann staðið uppi sem sigurvegari með sjö höggum.

Þórður var valinn besti kylfingur skólans á síðasta ári og er með 72.8 meðalhögg í undanförnum fimm mótum. Næsta mót Þórðar fer fram næstkomandi mánudag vonandi nær hann að nýta sér meðbyrinn til frekari afreka.

Allir að muna eftir einnar kylfu keppninni á miðvikudag

Samkvæmt dagskrá verður haldin EINNAR KYLFU KEPPNI á miðvikudaginn. Keppnin fer fram á litla vellinum á Korpu og verður ræst út milli kl: 16-18:00 keppnisskilmálar eru eftirfarandi:

1.) Það má bara nota eina kylfu.

2.) Hola er talin kláruð ef bolti endar innan við eina kylfulengd frá holu. DÆMI: leikmaður er á flöt í 2 höggum og næsta högg endar innan við kylfulengd frá holu þá tekur hann boltann upp og skrifar 4 sem skor holu.

3.) Það má færa bolta tvær kylfulengdir til beggja hliða á braut (aldrei nær holu) og eins langt aftur og leikmaður vill. Einnig má hreinsa bolta þegar hann er færður. 

4.) Verðlaun verða veitt fyrir efsta sæti í eftirfarandi flokkum:

Stelpur 12 ára og yngri, Stelpur 13 ára og eldri, Drengir 12 ára og yngri, Drengir 13-15 ára, Drengir 16-18 ára

 

MUNUM SVO AÐ GANGA VEL UM VÖLLINN, LAGA TORFUFÖR OG BOLTAFÖR Á FLÖTUM.

ÖLL KENNSLA FELLUR NIÐUR ÞENNAN DAG

Hlökkum til að sjá ykkur hress og kát,

Kv, mótstjórarnir síkátu, Árni Pé og Siggi Pé

PS. MINNUM SVO ALLA Á SPÁNAR- OG REGLUFUNDINN NÆSTKOMANDI FIMMTUDAG 

 

Námskeiðið "AFREKSMAÐURINN"

EFTIRFARANDI NÁMSKEIÐ ER EKKI Á VEGUM GR EN ER ENGU AÐ SÍÐUR MJÖG SPENNANDI FYRIR ÞAU YKKAR SEM VILJIÐ AUKA ÞEKKINGU YKKAR Á AFREKSSTARFI OG ÞVÍ HUGARFARI SEM GÓÐUR AFREKSÍÞRÓTTAMAÐUR ÞARF AÐ BERA.:

"29-30 mars næstkomandi verður haldið námskeið á vegum Melar Sport og Opni Háskólinn í Háskólanum í Reykjavík. Námskeiðið er fyrir 17 ára og yngri.

Námskeiðið stendur í 10. klst og kostar aðeins kr. 6.000.

Fjallað verður um forsendur og hugarfar afreksíþróttamanna, næringarfræði, styrktarþjálfun o.fl., auk þess sem afreksfólk úr ýmsum íþróttum mun koma og svara spurningum nemenda.

Uppbyggilegt og skemmtilegt námskeið fyrir metnaðarfullt íþróttafólk.

Nánari upplýsingar á www.melarsport.is.

kv Viðar Halldórsson

 

Viðar Halldórsson Íþróttafélagsfræðingur/Sport Sociologist

Melar Sport ehf. Íþróttaráðgjöf og Umboðsskrifstofa/Sports Agency and Consulting

e-mail: [e-mail]

Sími/Tel. [phone]"

 

Dagskráin fram að páskafríi

DAGSKRÁIN FRAM AÐ PÁSKUM ER EFTIRFARANDI:

- Hefðbundin kennsla út alla þessa viku 

- Hefðbundin kennsla mánudag og þriðjudag í næstu viku

- Miðvikudaginn 24. verður haldin EINNAR KYLFU KEPPNI á litla vellinum á Korpunni. Hefðbundin kennsla fellur niður þennan dag og ræst verður út frá kl 16:00-18:00. Verðlaun verða veitt í sömu flokkum og var keppt í á púttmótinu. Nánar um mótið í næstu viku.

- Fimmtudaginn 26. frá kl 19:00-20:00 verður haldinn upplýsingafundur fyrir alla krakka, foreldra og forráðamenn sem eru að fara í SPÁNARFERÐINA.                                                                                 Sama kvöld, frá kl 20:00-22:00, verður framhald af reglukvöldinu sem við áttum fyrr í vetur. Hefðbundin kennsla fellur niður þennan dag en  skildumæting er á reglukvöldi.

 

Sjálft Páskafríið er svo eftirfarandi:

Byrjar MÁNUDAGINN 29. mars. og æfingar hefjast svo aftur samkvæmt stundatöflu MÁNUDAGINN 12. apríl.

 

Vor í lofti..............!

Veðrið leikur við okkur þessa dagana og því ættu allir sem haf tök á því að skella sér á litla völlinn á Korpunni sem allra fyrst..........!

Reynum samt að hlífa brautunum, enda eru þær mjög blautar á þessum árstíma, sláum úr röffinu þess í stað.

Það er nóg að taka bara 2-3 kylfur, td; PW, 8 og 6.

Góða skemmtun, kv strákarnir

Golfpressan farin í loftið - Allt sem þarf fyrir besta golfsumar allra tíma

Á Golfpressunni sem fór í loftið í síðustu viku verður fjallað um allt er viðkemur golfíþróttinni og verður vefurinn upplýsinga- og fræðsluveita sem veitir öllum kylfingum aðgang að spennandi nýjungum í golfheiminum í dag. Mikil áhersla er lögð á fræðsluhlutann og með aðkomu ólíkra pistlahöfunda verða efnistökin fjölbreytt og spennandi og jafnframt ítarlegri heldur en þekkist í dag.

Golfpressan verður í umsjón fjórmenninganna Birgis Leifs Hafþórssonar, atvinnukylfings, Gunnars Más Sigfússonar, næringaráðgjafa og TPI yfirþjálfara Golffitness í Nordica Spa og þeirra Brynjars Eldon og Ólafs Más Sigurðarsonar en þeir eru eigendur og yfirkennarar Pro Golf á Íslandi.

En hvað segir Gunnar Már um síðuna og við hverju megum við búast?:

,,Golffitness og golfkennsla verða áberandi efnisflokkar enda eitt af markmiðum síðunnar að kylfingar geti notið  sérfræðiþekkingar og sótt sér efni og fræðslu sem bætir getu þeirra og geri þá að betri kylfingum. Að Golfpressunni kemur einvala lið golfkennara, kylfinga, þjálfara og sjúkraþjálfara og markmið síðunnar er að miðla upplýsingum til kylfinga til þess að þeir spili betur, meiðist sjaldnar og geti notið leiksins enn frekar. Nú er tíminn til þess að taka undirbúningstímabilið föstum tökum og uppskera þitt besta golfsumar“.

Ljóst er að Golfpressan verður spennandi nýjung á Pressunni enda er þetta önnur stærsta íþróttagrein á Íslandi og yfir 58.000 íslenskra kylfinga sem leika golf bæði hérna heima sem og erlendis, en stór hópur Íslendinga fer reglulega utan í golfferðir. 

www.golfpressan.is

Mótaskrá GSÍ og Progolf fyrir sumarið 2010

Eftirfarandi er mótaskrá GSÍ og Progolf sumarið 2010:

MAÍ

22. Ákorendamótaröðin (1) GSG

22.-23. Stigamót unglinga (1) GS

JÚNÍ

05. Áskorendamótaröðin (2) Gkj

05-06. Stigamót unglinga (2) GR-Korpa

10. PROGOLF MÓT (1) GR-Korpa (litli og stóri völlur)

19. Áskorendamótaröðin (3) GG

19.-20. Stigamót unglinga (3) GHR

JÚLÍ

01. PROGOLF MÓT (2) GR-Korpa (litli og stóri völlur) 

17. Áskorendamótaröðin (4) GOS

16.-18. Stigamót unglinga (4) íslandsmót í höggleik GV

ÁGÚST

07. Áskorendamótaröðin (5) GVS

03.-05. Stigamót unglinga (5) Íslandsmót í holukeppni GS

12. PROGOLF MÓT (3) GR-Korpa (litli og stóri völlur) 

20.-22. Sveitakeppni unglinga 14 ára og yngri GÞ

20.-22. Sveitakeppni unglinga 18 ára og yngri GB

SEPTEMBER

04. Áskorendamótaröðin (6) GOB

04.-05. Stigamót unglinga (6) GK

09. PROGOLF MÓT (4) GR-Korpa (litli og stóri völlur)

Nú geta allir farið að skipuleggja sumarið og mæta sterk til leiks í mótin. 

Kveðja, Árni Páll og Siggi Pétur

Úrslit úr Púttmóti 4. mars

Þá eru úrslitin ljós úr púttmótinu okkar í gær. Frábær skor sáust í öllum flokkum og margir búnir að bæta sig mjög mikið en aðrir þurfa að leggja meiri áherslu á að æfa púttin sem eru jú eitt allra mikilvægasta atriði golfsins.

Úrslitin eru þessi:

Stelpur 12 ára og yngri

Eva Karen Björnsdóttir - 74 högg / +2

Stelpur 13 ára og eldri

Halla Björk Ragnarsdóttir - 66 högg / -6

Drengir 12 ára og yngri

Kristófer Daði Ágústsson - 65 högg / -7

Drengir 13-15 ára

Ástgeir Ólafsson - 58 högg / -14

Drengir 16-18 ára

Sigurður Sturla Bjarnason - 57 högg / -15

 

Við óskum sigurvegurum innilega til hamingju!

 

Verðlaun eru Silfurkort í Básum og óvæntur glaðningur frá golfversluninni Erninum og verða afhent viðkomandi á næstu æfingu.

 

 

PÚTTMÓT - 4. MARS!!!!

HÆ KRAKKAR!!

Fimmtudaginn 4. mars verður haldið púttmót á Korpu fyrir alla í almennu- og afreksstarfi.

Falla æfingar samkvæmt stundatöflu niður þennan dag en mætingaskilda er í mótið eins og um æfingu væri að ræða. Allir þeir sem eru ekki á æfingu þann 4. mars eiga samt að mæta og taka þátt.

Frjáls mæting er á milli 15:00 og 18:00 - leiknar verða 36 holur og verðlaun verða veitt fyrir efstu sætin í eftirfarandi flokkum:

 

 

Stelpur 12 ára og yngri

Stelpur 13 ára og eldri

Drengir 12 ára og yngri

Drengir 13-15 ára

Drengir 16-18 ára

 

Mótstjórar eru Árni Pé og Siggi Pé og raða þeir í holl á staðnum!

Hlökkum til að sjá ykkur með pútterinn að vopni!!

 

Ps: Verðlaun verða veitt vinningshöfum á næstu æfingu svo að keppendur þurfi ekki að hinkra eftir verðlaunaafhendingu.