Gerður Hrönn sigraði á Áskorendamótaröðinni......:-)

Hún Gerður Hrönn "okkar" Ragnarsdóttir, gerði sér lítið fyrir og sigraði um helgina á Áskorendamótinu sem var haldið samhliða Landsmótinu í höggleik á Setbergsvellinum........ Þetta var frábær árangur hjá Gerði og hennar fyrsti sigur á mótaröðinni og ekki skemmir fyrir að hún vann bráðabana um 1. sætið auk þess sem hún átti lægsta skor ferilsins í móti og lækkaði heilann helling......

Innilega til hamingju Gerður.............

Örn veikur

Ég þurfti að fara heim í gær vegna veikinda og er enn að standa í þeim veikindum og mæti því ekki á æfingu í dag:(

Ég vil samt hvetja ykkur öll til að mæta á æfingu og æfa það sem hverju og einu finnst þurfa að æfa. Mæli sérstaklega með stutta spils æfingum, við gerum aldrei of mikið af þeim.  

Kv Örn 

Leikskipulags-fundur fyrir Íslandsmótið í höggleik......!

Næstkomandi fimmtudag, 04.ágúst, verður haldinn fundur í golfskálanum í Grafarholti þar sem Brynjar Eldon Geirsson, Árni Páll Hansson og leynigestur munu fara yfir leikskipulag fyrir Landsmótið sem hefst í Grafarholtinu laugardaginn 6.águst....
Fundurinn hefst kl 17:00 og stendur í ca 60 mín.
Allir sem eru skráðir til leiks, stelpur og strákar eru hvött til að mæta.
Það er skilda að mæta með vallarvísi og stílabók til að skrá hjá sér upplýsingar............

Hlökkum til að sjá ykkur öll í keppnisgír,

Kv, Binni, Árni Páll og leynigesturinn..........:-)

Frídagur verslunarmanna

Æfingar falla niður næstkomandi mánudag, frídag verslunarmanna. 

mbk, Þjálfarar 

Æfingahringur á miðvikudag í Borgarnes

Miðvikudaginn 20. júlí verður farinn æfingahringur í Borgarnes fyrir landsmótið í holukeppni sem fer fram á Hamarsvelli í næstu viku.
Lagt verður af stað frá Básum kl 08:00 og kostar 1000.- kr í rútuna. Áætlað er að koma í bæinn ca 18:00......:-)

Þau ykkar sem ætlið með sendið mér sms fyrir kl 14:00 á morgun, þriðjudag, í síma 840 782.

Hlakka til að sjá sem flest ykkar.

Mbk, Árni Páll

Glæsilegu meistaramót lokið

 

 

 

 

 

 

Í gær var lokadagur Meistaramóts GR í unglingaflokkum. Mótið hófst í Grafarholtinu á sunnudag í brakandi blíðu og færðist yfir á Korpuna fyrir lokahringinn þar sem vindur og smá rigning tók á móti keppandum.

Það var sérstaklega gaman að sjá mikið af nýjum krökkum taka þátt í sínu fystar meistaramóti og vonumst við til að sjá þau sterk á mótaröðum og meistaramótum framtíðarinnar.

Eftri mikla og spennandi keppni voru eftirfarandi krýnd sigurvegarar í sínum flokkum og óskum við þeim innilega til hamingju með titilinn "Klúbbmeistari GR"

12 ára og yngri hnátur:

Systurnar Sóley og Sunna Karlsdætur háðu mikla baráttu um titilinn og á endanum var það Sóley sem hafði betur en það var ansi mjótt á mununum.....

12 ára og yngri hnokkar:

Viktor Ingi Einarsson sigraði flokkinn enda sýndi hann mjög stöðugt golf og hélt fyrsta sætinu alla 3 dagana eftir að hafa verið jafn vini sínum Ingvari Andra Magnússyni eftir fyrsta hring. Oddur Bjarki Hafstein náði að tryggja sér 2. sætið með frábærum lokahring og Ingvar endaði í 3. sæti. Það var virkilega gaman að sjá hversu margir ungir og efnilegir HNOKKAR mættu til leiks í þessum flokki og greinilegt að framtíðin er björt......

13-14 ára telpur:

4 hressar stelpur mættu til leiks í þessum flokki. Á endanum var það Framarinn knái Ragnhildur Kristinsdóttir sem sigraði og vinkonurnar úr saumaklúbbnum "3 tí og driver" þær Karen Osk Kristjánsdóttir og Eva Karen Björnsdóttir (Karen 2. sæti og Eva 3. sæti) sem enduðu í 2. og 3. sæti. 4. keppandinn í flokknum hún Elísabet Sesselja Harðardóttir lærði alveg helling á þáttöku sinni og mætir reynslunni ríkari í næsta mót....

13-14 ára drengir:

Eftir að hafa leitt mótið fyrstu tvo dagana Þá fataðist Theodóri Inga Gíslasyni aðeins flugið á lokadeginum og Eggert Kristján Kristmundsson sigraði flokkinn með frábærum lokahring. Teddi endaði því í 2. sæti og félagarnir Sindri Þór Jónsson og Patrekur Nordquist Ratgnarsson voru jafnir í 3. sæti en Sindri endaði að lokum í 3. sæti eftir bráðabana.

Það er alveg ljóst að GR er með gríðalega sterkan hóp drengja á aldrinum 14 ára og yngri og verður skemmtilegt að fylgjast með þessum snillingum á næstu árum.

15-16 ára stelpur:

Það voru bara tvær stelpur sem tóku þátt í þessum flokk og skemmtu sér konunglega saman í þrjá dag. Að lokum var það Ásdís Einarsdóttir sem stóð uppi sem sigurvegari og Andrea Anna Arnarsdóttir endaði í 2. sæti

15-16 ára strákar:

Það var hörku keppni um fyrsta sætið í þessum flokk enda skiptust þeir á að leiða fyrstu 2 dagana, Kristinn Reyr Sigurðsson og Stefán Þór Bogason, Ástgeir Ólafsson var að narta í hælana á þeim. Með stöðugum leik tókst Kristni Reyr að landa sigri, Stefán Þór hélt 2. sætinu með góðum leik á síðustu 9 holunum og einu höggi á eftir í 3. sæti endaði Ástgeir Ólafsson.

17-18 ára piltar:

Allt frá fyrsta degi leiddi Jóhann Gunnar Kristinsson og vann á endanum mjög góðann sigur í þessum flokki. Þrem höggum á eftir honum í öðru sæti var Gísli Þór Þórðarsson og Halldór Atlason í því þriðja.

Næst á dagskrá er Íslandsmeistaramót í Holukeppni sem verður leikið á Hamarsvelli í Borgarnesi. Það verður farinn æfingaferð í næstu viku (meira um það síðar).

Að lokum þá viljum við endurtaka hemingjuóskir okkar til þeirra sem lönduðu meistaratitlum og þökkum öllum sem tóku þátt í mótinu fyrir gott mót.

Mbk, þjálfarar

 

Æfingar í meistaramótsvikunni

Meistaramótið byrjaði í dag, sunnudag, og stendur fram á þriðjudag. Almennar æfingar verða óbreyttar þessa daga. Ég mæli þó með því að þau sem eru að spila í mótinu reyni að  hvíla sig svoldið á milli hringja. Ef þið eruð í vandræðum með eitthvað þá verð ég á staðnum samkvæmt æfingatöflunni. 

kv Örn.. 

Progolf mót númer 2 - Úrslit

Í dag fór fram Progolf mót númer 2. Leikið var á Litla vellinum á Korpu. 13 kylfingar voru mættir til leiks í blíðskaparveðri. Gaman að sjá að nokkuð var um lækkanir á forgjöf hjá krökkunum í þessu móti, frábært hjá ykkur...:). Ég vil þakka þeim foreldrum sem gengu með hópnum innilega fyrir aðstoðina í manneklunni:)

Stúlkur 13 ára og yngri:

1 Sunna Björk Karlsdóttir 18

2 Sóley Edda Karlsdóttir 13  

 

Drengir 12 ára og yngri:

1 Oddur Bjarki Hafstein 21

2 Bjarki Leó Snorrason 20

3 Kjartan Örn Bogason 19

4 Svavar Hrafn Ágústsson 16

5 Einar Andri Víðisson 12  

 

Drengir 13-14 ára:

1 Arnar Grímsson 19

2 Alexander Pétur Kristjánsson 16

3 Kristján Frank Einarsson 15

4 Bjarni Þrastarson 13

5 Dagur Snær Sigurðsson 10  

 

Piltar 15-16 ára:

1 Sigurður Erik Hafliðason 13 

 

Mbk, Örn... 

 

 

Progolf mót númer 2

Annað mótið í Progolf mótaröðinni verður haldið næstkomandi fimmtudag 7.júlí. Mæting er á efri hæð korpúlfsstaða kl. 8.00. Leikið verður á Litla vellinum.

Þetta mót er eingöngu ætlað þeim sem taka þátt í almennu starfi klúbbsins. Afrekshópar mæta ekki í þetta mót.

Allar almennar æfingar falla niður þennann dag en ætlast er til að þið mætið í mótið. Við viljum hvetja ykkur öll til að mæta hvort sem þið hafið mikla reynslu eða litla á þátttöku í golfmótum. Það eitt að taka þátt er mjög góð og mikilvæg reynsla fyrir ykkur. 

Við erum í smá vandræðum með með að manna allar stöður í mótinu af ýmsum ástæðum, viljum við því biðla til foreldra sem hafa tök á því að mæta, að rétta fram hjálparhönd.  Örn mun mæta og ræsa mótið en þarf svo að fara eftir það. Það mun verða starfsmaður frá okkur á staðnum og við munum verða búnir að gera ákveðnar ráðstafanir við móttöku skorkorta. Aðstoð foreldra yrði þá mest í því formi að vera til staðar og sjá til þess að allt fari friðsamlega fram. 

Mbk, Þjálfarar.

Vorum að setja inn nýjar myndir..:)

Vorum að setja inn nýjar myndir bæði á bloggið og Facebook. Myndirnar eru frá fyrsta Progolf mótinu sem haldið var 16 júní síðastliðinn..:) Myndirnar má finna á blogginu hér til vinstri á síðunni undir liðnum "Myndirnar mínar". 

Mbk, þjálfarar.