Stöðupróf í Grafarholti

Í dag var haldið stöðupróf fyrir afrekskrakka GR. Settar voru upp ýmsar æfingar sem krakkarnir voru látnir framkvæma og árangurinn var skrifaður niður. Það var púttað, vippað, vippað úr röffi, pitsað, slegið úr bönkerum og drævað. Tilgangurinn er að finna út hvar krakkarnir eru sterkastir og hvað þeir þurfa helst að bæta. Óli Már og Jói sáu um framkvæmdina og stóðu sig eins og hetjur.

Við mættum á svæðið og tókum nokkrar myndir af krökkunum og það voru allir í fínu stuði. Niðurstöðurnar úr prófinu verða vonandi birtar hér á vefnum þegar búið er að reikna.

Linkur á myndirnar

Góður árangur GR unglinga í Eyjum

Annað stigamót Kaupþingsmótaraðar unglinga fór fram í Vestmannaeyjum um helgina. Árangur GR krakkanna var ágætur þar sem Sunna sigraði í 13-14 ára flokki, Berglind sigraði í 15-16 ára flokki, Haraldur Franklín varð í 2. sæti í 17-18 ára flokki og Ástgeir varð í 3. sæti í flokki 13-14 ára.

Völlurinn í Eyjum var í frábæru ástandi og voru grínin í sérflokki. Röffið var nokkuð erfitt og hurfu boltarnir víða í semíröffinu. Mörgum þóttu sumar pinnastaðsetningarnar í erfiðari kantinum þar sem þetta var unglingamót og get ég tekið undir það. Einhverjir hafa talað um að skorið hafi ekki verið gott en þótt sumar holurnar bjóði upp á fugla þá er það tilfellið að völlurinn í Eyjum er langt frá því að vera einfaldur og skorin voru alveg viðunandi. Við óskum verðlaunahöfunum til hamingju með góðan árangur og nú hvetjum við alla að æfa vel fyrir næsta mót.

Árangur GR krakkanna í Eyjum er tekinn saman hér fyrir neðan:

Kylfingur	H 1	H 2	Alls	Mism.	Flokkur
Haraldur Franklín Magnús	75	71	146	6	17-18 ára piltar
Andri Þór Björnsson	75	73	148	8	17-18 ára piltar
Hrafn Guðlaugsson	75	75	150	10	17-18 ára piltar
Guðmundur Ágúst Kristjánsson	74	78	152	12	15-16 ára drengir
Sveinn Gunnar Björnsson	76	76	152	12	17-18 ára piltar
Helgi Ingimundarson	81	73	154	14	17-18 ára piltar
Axel Ásgeirsson	80	76	156	16	17-18 ára piltar
Berglind Björnsdóttir	78	79	157	17	15-16 ára telpur
Magnús Björn Sigurðsson	78	86	164	24	15-16 ára drengir
Guðni Fannar Carrico	84	83	167	27	15-16 ára drengir
Ástgeir Ólafsson	81	87	168	28	13-14 ára strákar
Bogi Ísak Bogason	81	88	169	29	13-14 ára strákar
Ólafía Þórunn Kristinsdóttir	91	81	172	32	15-16 ára telpur
Gísli Þór Þórðarson	84	89	173	33	15-16 ára drengir
Sunna Víðisdóttir	85	89	174	34	13-14 ára stelpur
Halldór Atlason	84	92	176	36	13-14 ára strákar
Davíð Árni Guðmundsson	85	91	176	36	13-14 ára strákar
Ástrós Arnarsdóttir	96	82	178	38	15-16 ára telpur
Guðrún Pétursdóttir	91	90	181	41	13-14 ára stelpur
Daníel Atlason	87	94	181	41	13-14 ára strákar
Þorkell Kristinsson	91	92	183	43	15-16 ára drengir
Íris Katla Guðmundsdóttir	98	86	184	44	15-16 ára telpur
Hjalti Steinar Sigurbjörnsson	93	93	186	46	13-14 ára strákar
Jóhann Gunnar Kristinsson	97	91	188	48	13-14 ára strákar
Stefán Þór Bogason	95	94	189	49	13-14 ára strákar
Halla Björk Ragnarsdóttir	107	89	196	56	13-14 ára stelpur
Unnur Sól Ingimarsdóttir	116	110	226	86	13-14 ára stelpur

Heimild: golf.is

Teigar:
17-18 ára og 15-16 ára piltar: Hvítir
13-14 ára strákar: Gulir
15-16 ára telpur: Bláir
13-14 ára stelpur: Rauðir

Myndir frá Eyjum

Um helgina fóru fram mót á Áskorendamótaröð GSÍ og Kaupþingsmótaröð GSí. Við náðum myndum af nokkrum GR krökkum á Kaupþingsmótinu í Vestmannaeyjum.

Smellið til að skoða myndirnar

Stöðupróf afrekshópa

Þann 19. júní  frá kl. 13:00 - 16:00 fer fram fyrsta stöðupróf afrekshópa GR í Básum. Stöðuprófin eru hluti af afreksþjálfun GR og eru til þess hugsuð að sjá hvar leikmenn eru lakastir og verður prófið nýtt í framhaldinu til þess að bæta þá þætti sem þjálfarar telja að þurfi að lagfæra. Stöðuprófin eru tekin þrisvar á hverju ári og eftir hvert próf verða niðurstöðurnar birtar á heimasíðu unglinga GR.

Öllum iðkendum afreksstarfs er skylt að mæta í þessi próf og gott er að mæta tímanlega og hita vel upp.

Með kveðju,
Unglinganefnd og kennarar

Frí 17. júní

Frí verður frá æfingum barna og unglinga þrðjudaginn 17. júní næstkomandi.  

Með kveðju,
unglinganefnd og kennarar

Progolf mótaröðin

Annað mótið á Progolf mótaröðinni fer fram miðvikudaginn 18. júní næstkomandi.

Skráning fer fram aðeins í síma 585-0200 fyrir mótin á Korpu . Gerð er krafa um að skráningu sé lokið fyrir lok mánudag í mótsviku en spilað er á miðvikudögum. Rástímar keppenda verða kynntir á þriðjudegi eða degi fyrir mótið á heimasíðu klúbbsins. Ræst verður út frá kl. 08:00-10:00.

Mótsgjald er kr. 500.- á mann fyrir hvert mót og þarf að staðgreiða í golfbúðinni  áður en farið er á teig. Spennandi teiggjafir verða einnig í öllum mótunum.

Unglinganefnd og kennarar 

Æfingahringur Eyjar !!!

Við töluðum við Vestmannaeyjar og sögðu þeir að við getum spilað æfingahring þegar okkur hentar á fimmtudeginum og föstudeginum. Ekki þarf að bóka rástíma.

Með kveðju,
unglinganefnd og kennarar

Stigamótið í Eyjum

Um næstu helgi fer fram annað mót ársins á Kaupþingsmótaröð unglinga og verður það haldið á hinum flotta velli í Vestmannaeyjum. Að þessu sinni eru 125 þátttakendur skráðir og þar af er Golfklúbbur Reykjavíkur með 27 þátttakendur. Veðurspáin er góð eins og er og við vonum að það gangi eftir. Völlurinn er mjög flottur og vonandi er hann í góðu standi.

Við minnum ykkur líka á að kíkja á gátlistann hér á síðunni svo ekkert gleymist. Unglinganefnd og kennarar GR óska ykkur góðs gengis og munið að hafa gaman af að spila í Eyjum.

Grilldagurinn mikli

Í dag var haldinn grilldagur í Básum og mætti fjöldi krakka til að borða grillaðar pylsur og spila smá golf á Grafarkotsvellinum. Við mættum á staðinn og smelltum  nokkrum myndum af þessum frábæru GR krökkum sem hafa uppgötvað hvað golfið er stórkostleg íþrótt.

Hér eru myndirnar ...

ProGolf mótaröðin

Fyrsta barna og unglingamót sumarsins var haldið í dag á Korpúlfsstaðavelli. Um 30 keppendur mættu til leiks og er greinilegt að krakkarnir koma vel undan vetri. Hvöss austanátt gerði völlinn erfiðan og töluðu menn um að flatirnar hafi verið erfiðar í þessum vindi.

Þeir krakkar í flokki 12 ára og yngri sem ekki eru komnir með forgjöf gengust undir próf. Prófað var í helstu þáttum sem við koma golfíþróttinni svo sem samhæfing, úthald , pútt og vipp. Að lokum léku þau svo 6 holur sem allar voru af 125 metra færi og var markmiðið að spila þær á 48 höggum eða betur. Öll náðu þau markmiðinu og kláruðu svokallað silfurstig sem er annað stig af fimm. Þessi fimm stig kallast brons, silfur, gull, platinum og demants. Þetta er nýtt fyrirkomulag sem á að leiða krakkana stig frá stigi og að lokum útskrifast þau með löglega EGA forgjöf.

Semsagt frábær dagur og allir skemmtu sér hið besta og fórum heim reynslunni ríkari eftir daginn. Við viljum hvetja krakkana okkar að æfa nú vel fram að næsta móti og skoða örlítið eigið spil hvað fór úrskeiðis og æfa það sérstaklega vel fyrir næsta mót sem er miðvikudaginn 18. júní næstkomandi.

Smella á skjalið hér fyrir neðan til þess að sjá úrslitin úr mótinu.

Með bestu kveðju,
Unglinganefnd og kennarar

Skrár tengdar þessari bloggfærslu:

• Úrslit í fyrsta móti ProGolf mótaraðarinnar 2008