Æfingahringur fyrir Íslandsmót í holukeppni unglinga (GS)

Sameiginlegur æfingahringur fyrir börn og unglinga GR verður farinn fimmtudaginn 17.júlí og verður farið með rútu frá Básum kl. 12:00 og því tilvalið að mæta tímanlega og hita vel upp í Básum áður en haldið er á Suðurnes. Munið að taka hollt og gott nesti með ykkur í pokann og góðan klæðnað. Við ætlum okkur stóra hluti í þessu móti og við hvetjum ykkur því að leggja hart að ykkur í vikunni og æfa vel og skipulega.

Hér er lýsing á mótinu tekin af www.golf.is

Íslandsmót unglinga í holukeppni

Skráning stendur yfir á golf.is í Íslandsmót unglinga í holukeppni. Holukeppnin verður haldin á Hólmsvelli í Leiru hjá Golfklúbbi Suðurnesja. Mótið hefst á föstudaginn næsta þann 18. júlí en skráningu lýkur núna á mánudaginn klukkan 20. Á föstudeginum verður leikin 18 holu forkeppni í höggleik. Úr forkeppninni fara áfram þeir 16 keppendur sem hafa lægst skor. Á laugardeginum verður fyrst 16 manna holukeppni og síðan 8 manna holukeppni þeirra sem áfram komast. Á sunnudeginum verður leikið 4 manna holukeppni þeirra sem áfram komust og síðan verður leikið til úrslita , bæði um 3. sætið og um 1. sætið.

Áskorendamótaröð unglinga verður á Kirkjubólsvelli hjá Golfklúbbi Sandgerðis á laugardeginum 19. júlí og stendur skráning yfir á golf.is. Einnig verður Áskorendamótaröðin á Ekjufellsvelli hjá Golfklúbbi Fljótsdalshéraðs.

Ath: 31. Júlí verður tilkynnt val á öllum unglingasveitum golfklúbbs Reykjavíkur á heimasíðu klúbbsins og í framhaldi verður boðað til fundar með öllum þátttakendum og foreldrum og farið yfir málin.

Með kveðju,
Brynjar Eldon Geirsson,
Íþróttastjóri GR

ProGolf mótaröðin heldur áfram 23. júlí

Nú eru meistaramótin að hefjast og næsta vika er lögð undir meistaramót GR. Næsta mót á ProGolf mótaröðinni verður miðvikudaginn 23. júlí n.k. og við skorum á alla sem geta að taka þátt.

Kveðja,
Unglinganefnd og kennarar 

Myndir frá Faldo series

Hér eru nokkrar myndir sem teknar voru á Faldo mótinu á Skaganum.

Myndirnar 

Reglukvöld ATHUGASEMD

Reglukvöldið verður á KORPU á þriðjudaginn !!!

Reglukvöld í Grafarholti

Næstkomandi þriðjudagskvöld kl. 20:00 verður haldið reglukvöld fyrir þá sem taka þátt í unglingastarfi GR, almenna starfinu og afreksstarfinu. Farið verður í helstu reglur golfleiksins en þar sem hver leikmaður er dómari í raun þá er mikilvægt að allir þekki þær. Við leggjum áherslu á að allir mæti, því GR vill vera til fyrirmyndar hvað varðar þekkingu og framkomu á golfvellinum.

Það er enginn annar en Hinrik Gunnar Hilmarsson alþjóðadómari sem sér um kennsluna en hann ætti ekki að vera í vandræðum með að útskýra þessi mál.

Allir að mæta á þriðjudaginn.

Drög að golfreglum (smellið til að lesa reglurnar)

Kaupþingsmótaröð unglinga

Um helgina fór fram 3. mótið í Kaupþingsmótaröðinni á Þorláksvelli við Þorlákshöfn. Veðrið setti mikinn svip á mótið og gekk á ýmsu. Sumir áttu í erfiðleikum í vindinum en aðrir náðu tökum á þessum erfiðu aðstæðum. GR krakkar stóðu sig mjög vel en eftirfarandi GR krakkar höfnuðu í verðlaunasætum:

Í 17-18 ára piltaflokki:
1. sæti Haraldur Franklín Magnús 149 högg
2. sæti Andri Þór Björnsson  153 högg
3. sæti Helgi Ingimundarson 162 högg

Í 15-16 ára drengjaflokki:
2. sæti Guðmundur Ágúst Kristjánsson 162 högg

Í 15-16 ára telpnaflokki:
1. sæti Ólafía Þórunn Kristinsdóttir 171 högg

Í 13-14 ára stelpnaflokki:
2. sæti Guðrún Pétursdóttir 178 högg
3. sæti Sunna Víðisdóttir 180 högg

Við óskum ofangreindum verðlaunahöfum innilega til hamingju með góðan árangur.

Áskorendamótaröðin í Hveragerði

Í dag var keppt á Áskorendamótaröð GSÍ og var spilað í Hveragerði. 13 krakkar frá GR tóku þátt í mótinu og stóðu sig vel. Í flokki Stelpna 14 ára og yngri höfnuðu í 1. og 2. sæti GR stelpurnar Ragnhildur Kristinsdóttir á 99 höggum og Sólrún Arnarsdóttir á 109 höggum. Þá hafnaði Karen Ósk Kristjánsdóttir í 6. sæti á 118 höggum.

Í flokki 13-14 ára stráka hafnaði Ernir Sigmundsson í 6. sæti á 88 höggum og Ingi Steinn Guðmundsson í 10. sæti á 95 höggum.

Í flokki 15-16 ára drengja hafnaði Egill Sölvi Harðarson í 3. sæti á 101 höggi.

Við óskum ykkur til hamingju með árangurinn krakkar og hvetjum ykkur til að vera dugleg að æfa.


heimild: golf.is

Árangur Tigers

Í vikunni var haldinn fyrirlestur í golfskálanum í Grafarholti þar sem fjallað var um golf og andlegan styrk. Jóhann Ingi Gunnarsson sálfræðingur og fyrrum landsliðsþjálfari í handbolta var fyrirlesari. Hann fjallaði m.a. um það hvers vegna Tiger nær árangri og hvaða hluti kylfingar þurfa að hugsa um ef þeir vilja vera í fremstu röð. Við settum úrdrátt úr fyrirlestrinum í Skjalasafnið og heitir skjalið Af hverju Tiger nær árangri. Þetta er PowerPoint skjal og verður forritið að vera sett upp á tölvunni ykkar til að þið getið skoðað skjalið.

GR krakkar á unglingamót í Þýskalandi

Í vikunni tilkynnti ProGolf að fyrirtækið ætlaði að bjóða nokkrum efnilegum krökkum að taka þátt í golfmóti í Þýskalandi. Um er að ræða mótið Harder German Junior Masters sem nú er haldið í sjötta sinn. Verið er að undirbúa mótaröð fyrir afreksunglinga 19 ára og yngri, World Junior Ranking Series, en mótið sem krakkarnir taka þátt í núna verður líklega fyrsta mótið á þeirri mótaröð. Mótið er 54 holu höggleikur og fer fram dagana 5.-7. ágúst. Spilað verður á vellinum GC Heddesheim sunnan við Frankfurt. Í framtíðinni stefnir ProGolf á að halda árlega hér á landi eitt mót á þessari nýju mótaröð.

Þetta framtak ProGolf er frábært í alla staði en eitt af lykilatriðum fyrir unglinga til að bæta sig er einmitt að keppa við sterka jafnaldra erlendis. Við þökkum ProGolf fyrir að gefa krökkunum þetta tækifæri og við óskum þeim sem valdir voru til fararinnar innilega til hamingju og góðs gengis í Þýskalandi. Þeir kylfingar sem valdir voru að þessu sinni eru allir í GR og eru eftirfarandi:

Arnór Ingi Finnbjörnsson
Berglind Björnsdóttir
Haraldur Franklín Magnús
Helgi Ingimundarson
Ólafía Þórunn Kristinsdóttir

Niðurstöður úr stöðuprófi afrekshópa unglinga

Fimmtudaginn 19. júní síðastliðinn fór fram í Básum fyrsta stöðupróf afrekshópa. Prófið stóð frá klukkan 13:00 til 16:00 og mættu 30 börn og unglingar.  Stöðuprófin eru hluti af afreksþjálfun GR og eru til þess hugsuð að sjá hvar leikmenn eru lakastir og verður prófið nýtt í framhaldinu til þess að bæta þá þætti sem þarfnast lagfæringar. Stöðuprófin eru tekin þrisvar á hverju ári og eftir hvert próf verða niðurstöðurnar birtar á heimasíðu unglinga GR.

Hér kemur niðurstaðan úr fyrsta prófinu, einkunnin fyrir stutta spilið er heildareinkunn úr öllum æfingunum sem sneru að stutta spilinu.

Nafn	Stuttaspilseinkunn	Teighögg	Hvað má bæta
Arnar Óli Björnsson	45%	50%	Sandgryfja, teighögg, há innáhögg
Skúli Ágúst Arnarson	44%	80%	Erfið lega, pútt
Jóhannes	28%	50%	Vipp, sandgryfja,löng pútt
Jóhann Gunnar Kristinsson	46%	80%	2 - 4 metra pútt, há innáhögg
Oddur Bjarki  Hafstein	27%	90%	Stutt og löng pútt, Vipp
Halldór Atlason	51%	70%	Stutt og löng vipp, 2 - 4 metra pútt
Hjalti Steinar Sigurbjörnsson	54%	80%	Sandgryfja, vipp
Stefán Þór Bogason	58%	100%	Pútt og vipp
Davíð Árni Guðmundsson	59%	100%	Sandgryfja, pútt
Árni Freyr	44%	70%	Vipp, pútt
Guðni Fannar Carrico	64%	70%	2 - 5  metra pútt, vipp
Gísli Þór Þórðarson	60%	50%	Löng vipp, erfið lega
Jón Trausti Kristmundsson	48%	100%	Há innáhögg, stutt vipp
Eggert Kristján Kristmundsson	42%	80%	Vipp, pútt, sandgryfja
Ólafía Þórunn Kristinsdóttir	68%	80%	Sandgryfja af löngu færi
Sóley Kristmundsdóttir	38%	50%	Sandgryfja, löng vipp, teighögg
Halla Björk Ragnarsdóttir	43%	50%	Vipp, sandgryfja, teighögg
Guðmundur Ágúst Kristjánsson	63%	70%	Sandgryfja
Íris Katla Guðmundsdóttir	57%	80%	Sandgryfja, 2- 4 metra pútt
Magnús Björn Sigurðsson	63%	70%	Sandgryfja, löng vipp
Berglind Björndóttir	53%	80%	Stutt pútt, löng vipp
Patrekur Rangarsson	55%	100%	Stutt pútt
Andri Búi Sæbjörnsson	51%	90%	Stutt pútt, löng pútt, sandgryfja
Oddur	26%	70%	Vipp, löng pútt, stutt pútt, sandgryfja
Ragnhildur Kristinsdóttir	26%	50%	Sandgryfja, Vipp, löng pútt, teighögg
Sunna Víðisdóttir	56%	80%	Vipp, löng pútt, sandgryfja
Ástgeir Ólafsson	60%	30%	Vipp, sandgryfja, teighögg
Hersir Aron Ólafsson	42%	80%	Vipp, sandgryfja, löng pútt
Bogi Ísak Bogason	60%	90%	Vipp
Daníel Atlason	53%	70%	Vipp, sandgryfja