Uppskeruhátíð og foreldrafundur í Grafarholti !!!

Uppskeruhátíð barna og unglingastarfs Golfklúbbs Reykjavíkur verður haldin í golfskálanum í Grafarholti laugardaginn 27. september næstkomandi. Þar verða þeim leikmönnum veitt verðlaun sem þjálfarar telja hafa staðið sig hvað best á liðnu keppnistímabili fyrir hönd klúbbssins. Mæting er kl. 14:30 og mun uppskeruhátiðinni ljúka um 16:30. Pizzur og gos verða í boði fyrir alla. Einnig verða veitt verðlaun fyrir ProGolf mótaröð sumarsins.

Foreldrafundur
Foreldrafundur verður einnig haldinn sama dag og hefst kl.10:00 í golfskálanum í Grafarholti. Á fundinum verður farið yfir vetrarstarfið og ábendingar foreldra um starfið teknar fyrir.

Við hvetjum ykkur öll til að mæta.

Með kveðju
Unglinganefnd og kennarar

Æfingatöflur fyrir vetraræfingar komnar á síðuna

Skráning í vetrarstarfið fer fram á tímabilinu 20.-30. október á skrifstofu GR en æfingarnar hefjast svo 10. nóvember. Unglingastarfið skiptist í almennt starf og afreksstarf og er ein tímatafla fyrir hvorn flokk.

 Við hvetjum alla til þess að æfa vel í vetur.

Með kveðju,
unglinganefnd og kennarar

Æfingatafla vetur 2008-2009 almennt starf
Æfingatafla vetur 2008-2009 afreksstarf

Mótið hjá GKG um helgina - ekki sameiginlegur æfingahringur

Þar sem skólarnir eru byrjaðir og nemendur með misjafnar stundaskrár þá verður ekki farið í sameiginlegan æfingahring eins og verið hefur fyrir stigamótin í sumar. Við hvetjum alla þá sem geta, til þess að fara á eigin spýtur og leika æfingahring á Vífilsstaðavelli.

Kveðja,
Kennarar og unglinganefnd

Æfingatafla fyrir haustið 2008

Við minnum á að það er ný æfingatafla í gangi fyrir haustið 2008 og er hún í skjalasafninu. Hún gildir út september mánuð. Smellið hér til að skoða hana.

Breyting á æfingum hjá Gunnlaugi Elsusyni næstu daga

Þar sem Gunnlaugur ætlar að ganga í hjónaband um helgina verður hann fjarverandi frá æfingum frá kl. 17:00 fimmtudaginn 28. ágúst og alla helgina. Þeir sem eiga að mæta á æfingu hjá Gunnlaugi á þessum tíma eru beðnir um að æfa sjálfir að þessu sinni. Bolta fáið þið í Básum og endilega að æfa vel. Gunnlaugur mætir svo næsta mánudag.

Kveðja,
Jóhann K. Hjaltason,
unglingaleiðtogi

Frábær árangur í sveitakeppni unglinga

Ávarp Íþróttastjóra

Af tilefni glæsilegs árangurs unglingasveita Golfsklúbbs Reykjavíkur í sveitakeppni GSÍ 2008 vil ég rita hér nokkur orð til þeirra fjölmörgu aðila sem eiga hlut að þessum glæsta árangri. Við ákváðum að senda sjö keppnissveitir í ár til leiks og erum mjög stolt af því að eiga svo margar glæsilegar keppnissveitir og markmiðið er að koma að ári með átta sveitir til leiks. En eins og allir vita er árangur uppskera mikillar vinnu, og leikmenn þessara sveita eiga heiður skilið fyrir sitt framlag í þessu móti. Leikmenn GR voru sínum klúbbi til mikils sóma í þessu móti, með góðum árangri og heiðarlegri framkomu sem er ekki síður mikilvæg í íþróttum. Ég vil einnig þakka þeim fjölmörgu liðstjórum þessara sveita sem leggja sinn tíma að mörkum fyrir unglingana okkar. Unglinganefnd á stóran þátt í þeirri góðu umgjörð sem er að myndast í kringum starfið og stóðu þeir sig mjög vel í að skipuleggja umgjörðina og eru að vinna gott starf fyrir klúbbinn og eru stór hlekkur í árangri sem þessum. Þjálfararar og unglingaleiðtoginn eru að standa sig gríðarlega vel og við erum að leggja okkur af lífi og sál í að gera starfið sem allra best til framtíðar. Stjórn, formaður og framkvæmdarstjóri sýndu okkur í þessu móti gríðarlega góðan stuðning og fylgdu krökkunum okkar á völlunum um liðna helgi og það gefur leikmönnum mjög mikið að sjá þessa mætu menn á staðnum. Eins og þið sjáið er árangurinn leikmönnum og góðu baklandi af frábæru fólki að þakka og um leið vil ég óska öllum góðs árangurs í Landsmótinu í höggleik sem hefst á GO næstu helgi og þar ætlum við öll að standa okkur og sækja titla fyrir Golfklúbb Reykjavíkur.

Áfram GR
Með bestu kveðjum
Brynjar Eldon Geirsson Íþróttastjóri GR 

Jóhann K. Hjaltason unglingaleiðtogi mundi eftir myndavélinni og tók nokkrar góðar myndir á Flúðum.

Smellið hér til að skoða myndirnar.

Sveitakeppni GSÍ - Unglingasveitir GR

 

 

 

Sveitakeppni GSí Unglinga verður haldin dagana 15 -17 ágúst. Búð er að velja í sveitirnar sem keppa fyrir hönd GR.

Unglingasveitir Golfklúbbs Reykjavíkur:

Drengir 17-18 ára A – sveit

Andri Þ. Björnsson
Axel Ásgeirsson
Haraldur F. Magnús
Helgi Ingimundarson
Pétur F. Pétursson

Liðstjóri: Sigurþór Jónsson

Drengir 17-18 ára B – sveit
Heimir Þ. Mortens
Hrafn Guðlaugsson
Sveinn G. Björnsson
Þórður A. Þórisson

Liðstjóri: Arnar Snær Jóhannsson

Drengir 16 ára og yngri A – sveit

Guðmundur Ágúst Kristjánsson
Guðni F. Carrico
Jakob Helgi
Magnús B. Sigurðsson
Þorkell Kristinnsson

Liðstjóri: Jóhann K. Hjaltason

Drengir 16 ára og yngri B – sveit

Ástgeir Ólafsson
Bogi Ísak Bogason
Davíð Á. Guðmundsson
Gísli Þ. Þórðarson
Arnar Óli Björnsson

Liðstjóri: Arnór Ingi Finnbjörnsson

Stúlkur 17-18 ára

Ástrós Arnarsdóttir
Íris Katla Guðmundsdóttir
Sóley Kristmundsdóttir
Tinna Arinbjarnarnardóttir
Unnur Sól Ingimarsdóttir

Liðstjóri: Hanna L. Sigurðardóttir

Stúlkur 16 ára og yngri

Berglind Björnsdóttir
Guðrún Pétursdóttir
Halla Björk Ragnarsdóttir
Ólafía Þórunn Kristinsdóttir
Sunna Víðisdóttir

Liðstjóri: Gunnlaugur Elsuson


Undirbúningur sveita / dagskrá

Þriðjudagur 12.ágúst

17:00 -19:00

Fundur og mátun keppnisbúninga í golfskálanum Grafarholti. (allar sveitir)
Farið verður yfir undirbúningsdagskrá á fundinum og liðstjórar funda með sýnum sveitum.

15 -17 ágúst

Sveitakeppni GSÍ, eldri sveitir munu keppa á Korpu og yngri á Flúðum.

 

Með kveðju,

Unglinganefnd og kennarar

Glæsilegur árangur á Íslandsmótinu í holukeppni

Glæsilegur árangur náðist á Íslandsmótinu í holukeppni sem haldið var á Hólmsvelli í Leiru nú um helgina. Þrír Íslandsmeistaratitlar komu í hús. Sunna Víðisdóttir, GR, hampaði sigri í stelpnaflokki en hún sigraði Tönju Rós Ingadóttur, GKj, í úrslitum. Í telpnaflokki sigraði  Ólafía Þórunn Kristinsdóttir, GR, Jódísi Bóasdóttur, GK. Berglind Björnsdóttir, GR, varð í þriðja sæti eftir sigur á Írisi Kötlu Guðmundsdóttur, GR. Í drengjaflokki sigraði Guðmundur Ágúst Kristjánsson, GR, en hann lagði Rúnar Arnórsson, GK. Í piltaflokki 17 - 18 ára háðu Helgi Ingimundarson, GR, og Axel Bóasson ,GK, hörku baráttu sem endaði með að Axel vann. Helgi tók annað sætið sem teljast verður góður árangur.

 

Hér eru úrslit úr nokkrum flokkum

 

Úrslit í stelpuflokki 13 - 14 ára                                         Úrslit í drengjaflokki 15 -16 ára

1. Sunna Víðisdóttir GR                                                      1. Guðmudur Ágúst Kristjánsson GR

2. Tanja Rós Ingadóttir GKJ                                               2. Rúnar Arnórsson GK

3. Sigríður Lára Garðarsdóttir GV                                       3. Sigurður Invi Rögnvaldsson GHD

 

Úrslit í telpuflokki 15 - 16 ára                                           Úrslit í piltaflokki 17 - 18 ára

1. Ólafía Þórunn Kristinsdóttir GR                                     1. Axel Bóasson GK

2. Jódís Bóasdóttir GK                                                      2. Helgi Ingimundarson GR

3. Berglind Björnsdóttir GR                                               3. Bjarki Freyr Júlíusson GKG

 

Meistaramótinu lokið

Í kvöld lauk keppni í meistaramóti GR í unglingaflokkum. Að loknum leik var haldin veisla í golfskálanum í Grafarholti og var fín mæting bæði krakka og foreldra. Það er ljóst að GR á hóp af frábæru fólki sem tekur þátt í unglingastarfinu og framtíðin er björt hjá klúbbnum. Veðrið í mótinu var náttúrulega eins og oft á Íslandi, stundum gott og oftast verra, sem sagt vindur og rigning sem gerði keppendum frekar erfitt fyrir. En krakkarnir létu það ekki á sig fá og flestir luku leik. Myndin er tekin í kvöld eftir afhendingu verðlauna en það voru Jón Pétur Jónsson formaður GR og Björn Víglundsson varaformaður sem afhentu verðlaunin.

 

 

 

 

 

 

 

 

Smellið til að skoða nokkrar myndir frá afhendingu verðlauna

Keppni í golfi lokið á Alþjóðaleikum ungmenna

Um helgina hófust Alþjóðaleikar ungmenna í SanFrancisco. Fjórir unglingar úr GR voru á meðal þátttakenda og léku á golfvelli þar sem Presidents Cup verður leikinn á næsta ári. Unglingarnir frá GR eru Ástrós Arnarsdóttir, Sunna Víðisdóttir, Halldór Atlason og Magnús Björn Sigurðsson.

Jóhann K. Hjaltason var þeim til halds og traust og eins og sjá má á meðfylgjandi mynd voru allir í fínu formi. Árangurinn var ágætur þar sem Átrós hafnaði í 4. sæti á 161 höggi og Sunna í 5. sæti á 162 höggum í stelpuflokki. Magnús hafnaði í 11. sæti á 160 höggum og Halldór hafnaði í 18. sæti á 175 höggum í strákaflokki.

Úrslit í golfkeppninni
Heimasíða leikanna

Flott hjá ykkur krakkar og vonandi nýtist þessi reynsla ykkur í framtíðinni.