Ábending varðandi forgjafarmál

Ég hef lengi velt því fyrir mér að velta umræðunni um forgjafarmál af stað og nú er komið að því að klúbbarnir og GSÍ taki þessi mál markvisst fyrir hver fyrir sig. Ég tel að það þurfi að upplýsa kylfinga betur um hvernig skal haldið utan um forgjöfina og að sjálfsögðu þarf að vera virkt eftirlit af hálfu klúbba og Golfsambands Íslands í þessum efnum.

Það að leikmenn séu með skakka forgjöf af þeim ástæðum að þeir skili bara inn "góðum hringjum" og aldrei þeim slæmu nema þegar þeir keppa í móti og hafa í framhaldinu ekkert að segja um það hvort hringurinn sé færður til bókar eða ekki er afar slæmt. Það að leikmenn séu með of lága forgjöf miðað við getu skekkir margar myndir t.d. leiðréttingu á mótum hjá Golfsambandinu - val í afrekshópa klúbbanna og einfaldlega úrslit allt of margra opinna móta þar sem forgjöf er tekin til útreikninga.

Ég bendi á þetta mál einfaldlega til þess að fá skýrari mynd á alla þessa hluti. Einnig hefur það viðgengist að margir lágforgjafarkylfingar hafa fært inn æfingarhringi og ekki viðurkennd mót sem ekki er leyfilegt í forgjafarflokki 1. Ég skora á forgjafarnefndir að taka á þessu máli hver í sínum klúbbi og ekki síður GSÍ þar sem þeir stjórna landsforgjöf leikmanna, einnig þurfa leikmenn að líta í eigin barm í þessum málum. Ég ætla að taka þessi mál fyrir í mínum klúbbi með aðstoð forgjafarnefndar GR.

Einhverntíma las ég í handbook um EGA forgjafarkerfið að forgjafarnefndir ættu að fara yfir einhver ákveðin prósent klúbbmeðlima á hverju vori og leiðrétta þær forgjafir sem ekki standast. Ég held að ég sé að skrifa það sem margir hafa hugsað lengi og þá sérstaklega þeir sem ólust upp við gamla kerfið sem féll úr gildi árið 2000 ca. Þar voru okkar allra bestu leikmenn með forgjöf í kringum 0 og á landsvísu í gamla forgjafarkefinu leyfi ég mér að segja að þeir leikmenn sem voru með undir 4,4 voru ekki fleiri en 60 talsins. Í dag eru tæplega 350 kylfingar með lægri forgjöf en 4,4 og er þessi aukning ótrúleg að mínu mati miðað við það skor sem maður sér hjá okkar kylfingum á mótaröð þeirra bestu hér heima. Vandamálið er einfaldlega það að kylfingar færa einungis inn góðu hringina en ekki þá slæmu og því er þetta vandamál tilkomið.

Skráning á skori

Hver kylfingur ber ábyrgð á að forgjöf sín sé rétt skráð. Leikmenn í forgjafarflokki 2 til 5 mega nota æfingaskor til forgjafarútreiknings svo fremi að golfreglum sé fylgt að öllu leyti. Ekki er þörf fyrir leikmenn í þessum forgjafarflokkum að taka sérstaklega þátt í móti eða tilkynna sérstaklega ætli leikmaður að spila til forgjafar. Leikmenn í 1. forgjafarflokki mega hins vegar ekki nota æfingaskor til forgjafarútreiknings.

Munið að forgjöf er alvarlegt mál sem ber að virða og halda í heiðri eins vel og hverjum er mögulegt. Leikmaður ber sjálfur ábyrgð á að forgjöf sé samkvæmt getu hverju sinni. Golf er byggt á heiðri hvers og eins þar sem hver leikmaður er sífellt að keppa við sjálfan sig um betri árangur. Röng forgjöf gefur ekki rétta mynd af getu þinni og er því óheiðarlegt að halda henni ekki rétt við samviskusamlega bæði gagnvart sjálfum þér og ekki síður gagnvart meðspilurum þínum.

ÁBENDING UM VIÐHALD FORGJAFAR.

EGA forgjafarkerfið var fyrir nokkrum árum innleitt á Íslandi. Í reglum þess segir m.a.:

• Tilgangur kerfisins er að sjá kylfingum fyrir réttlátri forgjöf sem leiðrétt sé í samræmi við hve erfiður leikinn völlur sé, og að ná jöfnuði og samræmi í forgjafarreikningi um alla Evrópu í framtíðinni.

• EGA forgjafarkerfið byggist á þeirri ætlan að sérhver leikmaður reyni að skora sem best á sérhverri holu í sérhverri umferð sem hann leikur og að hann muni skila eins mörgum gildum skorum og hann getur á hverju almanaksári.

• Það að skila ekki inn minnst fjórum gildum skorum á tímabilinu milli árlegrar endurskoðunar forgjafar getur varðað úreldingu EGA grunnforgjafar í samræmi við fyrirmæli golfsambandsins.

Bendi á slóð inn á vef GSÍ þar sem fjallað er um forgjafarmál

Þessi pistill er skrifaður með það í huga að bæta þessa hluti og til þess að við fáum rétta mynd af getu okkar kylfinga miðað við aðrar þjóðir sem beita sama kerfi og við til forgjafarútreiknins.

Með virðingu og vinsemd

Brynjar Eldon Geirsson
Íþróttastjóri GR

Golfleikjanámskeið fyrir 6-12 ára krakka

 

Golfleikjanámskeið

2009

Barna- og unglinganámskeið

Upplýsingar um námskeiðið:

Námskeið fyrir krakka á aldrinum 6 til 12 ára, fædd 1997-2003. Viku námskeið þar sem krakkanir læra helstu grunntækni golf íþróttarinnar í formi leikja og góðs félagsskapar og einnig hafa þau möguleika á að fara á framhaldsnámskeið. Þátttakendum verður skipt í smærri hópa (8 í hóp) og hefur hver hópur sinn kennara. Skipt verður í hópa eftir aldri og kunnáttu þannig að allir njóti sín sem best. Hámarks fjöldi á hvert námskeið er 32 krakkar.

Námskeiðin eru fyrir hád. frá 9:00 til 12:00 og eftir hád. frá 13:00-16:00 fimm daga vikunnar. Vikunni lýkur með þrautum og pizzuveilsu og einnig fá krakkarnir óvæntan glaðning að námskeiði loknu. Námskeiðin fara fram á Korpúlfsstaðavelli hjá Golfklúbbi Reykjavíkur.

Fyrir þá sem hafa lokið einni viku á námskeiðunum stendur til boða framhaldsnámskeið þar sem haldið verður áfram að byggja upp góða tækni og skilning á leiknum. Krakkarnir eru beðnir um að koma klædd eftir veðri og með aukafatnað viðbúin öllu, einnig er æskilegt að krakkarnir hafi með sér hollt nesti og drykk. Öllum er heimilt að taka þátt hvort sem viðkomandi er félagi í golfklúbbi eða ekki.

Umsjón með námskeiðunum hafa:

Kennarar PROGOLF og afrekskylfingar GR þeim til aðstoðar.

Námskeiðin verða alls 20 (fyrir eða eftir hádegi) allar neðangreindar vikur:

Námskeið	Dagss.		Tímabil
nr.1	8. - 12.	júní	fyrir hádegi	9:00 - 12:00
nr.2	8. - 12.	júní	eftir hádegi	13:00 - 16:00
nr.3	15. - 19*	júní	fyrir hádegi	8:00 - 12:00
nr.4	15. - 19*.	júní	eftir hádegi	13:00 - 17:00
nr.5	22. - 26.	júní	fyrir hádegi	9:00 - 12:00
nr.6	22. - 26.	júní	eftir hádegi	13:00 - 16:00
nr.7	29. júní - 3.	Júni/júlí	fyrir hádegi	9:00 - 12:00
nr.8	29. júní - 3.	Júní/júlí	eftir hádegi	13:00 - 16:00
nr.9	6. - 10.	júlí	fyrir hádegi	9:00 - 12:00
nr.10	6. - 10	júlí	eftir hádegi	13:00 - 16:00
nr.11	13.-17	júlí	fyrir hádegi	9:00 - 12:00
nr.12	13.-17	júlí	fyrir hádegi        13:00 - 16:00
nr.13	20.  -24.	júlí	fyrir hádegi	9:00 - 12:00
nr.14	20.  - 24.	júlí	eftir hádegi	13:00 - 16:00
nr.15	27. júlí. -31.	júlí	fyrir hádegi	9:00 - 12:00
nr.16	27. júlí. -31.	júlí	eftir hádegi	13:00 - 16:00
nr.17	4. - 7.*	ágúst	fyrir hádegi	8:00 - 12:00
nr.18	4. - 7.*	ágúst	eftir hádegi	13:00 - 17:00
nr.19	10. - 14.	ágúst	fyrir hádegi	9:00 - 12:00
nr.20	10. - 14.	ágúst	eftir hádegi	13:00 - 16:00

*Fjögurra daga námskeið frá kl. 8:00 - 12:00 eða 13:00 - 17:00.

Tekið er við skráningu alla virka daga frá klukkan 9:00 til 16:00 í síma 555-7200. Einnig er hægt að senda tölvupóst á [e-mail]

Þátttökugjald er 8.500 kr. Gengið skal frá greiðslu við skráningu. Veittur er 20% systkinaafsláttur (20% af gjaldi annars, þriðja og fleiri systkina) og/eða  20% afsláttur af framhaldsnámskeiði.

Tekið er við debet- og kreditkortum og hægt er að greiða í gegnum síma.

Einkatímar afrekshópa sumarið 2009

 

 

Drengir A - hópur Mánudagar	Klukkan		Stúlkur A - hópur Mánudagar	Klukkan
Halldór Atlason	12:00		Ásdís Einarsdóttir	14:00
Arnar Óli Björnsson	12:20		Andrea A. Arnardóttir	14:20
Gísli Þór Þórðarson	12:40		Halla Björk Ragnarsdóttir	14:40
Magnús B. Sigurðsson	13:00		Eydís	15:00
Jón Trausti Kristmundsson	13:20
Drengir B - hópur Föstudagar	Klukkan		Stúlkur B - hópur Föstudagar
Ástgeir Ólafsson	15:00		Karen Ósk Kristjánsdóttir	10:00
Bogi Ísak Bogason	15:20		Saga Truastadóttir	10:20
Jóhann Gunnar Kristinsson	15:40		Eva Karen Björnsdóttir	10:40
Hjalti Steinar Sigurbjörnsson	16:00		Gerður Hrönn Ragnarsdóttir	11:00
Daníel Atlason	16:20		Ragnhildur Kristinsdóttir	11:20
Drengir C - hópur Föstudagar	klukkan		Stúlkur C - hópur Föstudagar
Árni Freyr Hallgrímsson	13:00		Hafdís Tinna	8:00
Kristinn Reyr Sigurðsson	13:20		Sóley Kristmundsdóttir	8:20
Ernir Sigmudsson	13:40		Edda Björg
Stefán Þór Bogason	14:00		Tinna Arinbjarnar
Eiður Rafn Gunnarsson	14:20

Æfingatöflur fyrir sumarið

Nýjar æfingatöflur eru komnar fyrir sumarið 2009. Ein tafla er fyrir almenna starfið og önnur fyrir afrekshópa. Töflurnar eru á síðunni Æfingatöflur og rammaskipulag.

Æfingahringur GKG

Búið er að panta rástíma fyrir keppendur okkar fyrir helgina. Rástímarnir eru á fimmtudaginn 4. júní kl 13:00 - 14:00 .  Jóhann unglingaleiðtogi verður á staðnum og mun aðstoða krakkana.

Kær kveðja,

Unglinganefnd og kennarar

Foreldrafundur !!!

Foreldrafundur verður haldinn í golfskálanum í Grafarholti fimmtudaginn 4 júní kl. 18:00

 

kveðja,

Unglinganefnd og kennarar

Fyrsta stigamót unglinga að baki

Árangur unglinganna okkar í fyrsta stigamóti ársins sem fór fram á Hellu og í NK (áskorendamótaröð GSÍ) um helgina var frábær og lofar mjög góðu fyrir sumarið. Krakkarnir hafa lagt hart að sér í vetur  og uppskáru glæsilega sigra um helgina. Við óskum öllum verðlaunahöfum til hamingju og er klúbburinn stoltur af árangri ykkar.

Hér má sjá helstu úrslit okkar leikmanna frá Hellu:

Drengir 13 - 14 ára
4. sæti Bogi Ísak Bogason
5. sæti Ástgeir Ólafsson
10. sæti Hjalti S. Sigurbjörnsson

Stúlkur 13-14 ára
5. sæti  Andrea Anna Arnardóttir

Drengir 15 -16 ára
1. sæti Magnús Björn Sigurðsson
5. sæti Gísli Þór Þórðarson

Stúlkur 15 - 16 ára
2. sæti Sunna Víðisdóttir
5. sæti Halla B. Ragnarsdóttir

Drengir 17 - 18 ára
3. sæti Haraldur F. Magnúss
4. sæti Guðmundur Á. Kristjánsson
7. sæti Andri Þór Björnsson

Stúlkur 17 - 18 ára
1. sæti Ólafía Þ. Kristinsdóttir
5. sæti Íris Katla Guðmundsdóttir

 

Hér má sjá helstu úrslit okkar leikmanna frá NK (áskorendamótaröðin):

Drengjaflokkur 14 ára og yngri:
5. sæti Eggert Kristján Kristmundsson
7. sæti Andri Búi Sæbjörnsson
11. sæti Patrekur N Ragnarsson

Stúlknaflokkur 14 ára og yngri:
1. sæti Ragnhildur Kristinsdóttir
2. sæti Karen Ósk Kristjánsdóttir
3. sæti Sara Margrét Hinriksdóttir

Drengjaflokkur 15-16 ára
1. sæti Hersir Aron Ólafsson
2. sæti Svavar Guðjónsson
3. sæti Egill Sölvi Harðarson

Auðvitað var hann Jóhann Hjaltason á Hellu og tók nokkra myndir 

Kveðja þjálfarar og afreksnefnd

Ávarp íþróttastjóra

Gleðilegt golfsumar góðir félagsmenn Golfklúbbs Reykjavíkur og til hamingju með 75 ára afmæli klúbbsins á árinu. Ég vil í stuttu máli fjalla um Íþróttastarf klúbbsins líðandi vetrar og hvað framundan er hjá börnum,unglingum og öðru keppnisfólki klúbbsins á komandi sumri. Í vetur hafa allir iðkendur Íþróttastarfsins æft vel frá því í byrjun nóvember 2008 og undirbúið sig að krafti fyrir keppnistímabilið 2009. Stórir viðburðir eru nú á heimavelli í sumar hjá meistaraflokkum GR td. Landsmótið í Golfi og bind ég vonir við góðan árangur okkar fólks í þessu móti sem og öðrum stórum mótum. Unglingarnir okkar hafa staðið sig frábærlega síðustu ár og aldrei betur en á síðasta tímabili og nú er stefnan tekin á að gera enn betur en í fyrra. Ég vil nota hér tækifærið og hvetja félagsmenn GR og alla áhugamenn um keppnisgolf að mæta á völlinn og styðja við og fylgjast með okkar fólki í sumar í mótum sumarsins og um leið er hægt að læra mikið af þeim bestu til þess að bæta eigin leik.Lítil hefð er fyrir því að fólk fylgist með Íslenskum golfmótum en því má breyta og er þetta skemmtun sem kostar ekkert.

Hvað hinn almenna kylfing GR varðar vil ég benda fólki á að ganga vel um vellina í sumar laga torfu og boltaför við leik og halda uppi góðum leikhraða, því að fátt er leiðinlegra en að bíða við hvert högg og leika hring sem er yfir 5 klst. Einnig vil ég hvetja sem flesta að taka þátt í félagsstarfi klúbbsins sem býður reglulega uppá hinar ýmsu uppákomur fyrir félagsmenn allt árið í kring. Kennarar klúbbsins hjá golfskóla ProGolf í Básum eru með í boði námskeið og einkakennslu fyrir allt árið í kring fyrir og þarf því enginn að koma illa undirbúinn til leiks í sumar eða leika illa á sumarmánuðum.Kennarar Golfskólans eru þeir Brynjar Eldon Geirsson, Ólafur Már Sigurðsson, Árni Páll Hansson og Jóhann K. Hjaltason.

Allar upplýsingar um unglinga og afrekstarf klúbbsins og aðra golfkennslu er hægt að nálgast yfir heimasíðu klúbbsins http://www.grgolf.is/

Annars óska ég samstarfsmönnum mínum hjá Golfklúbbi Reykjavíkur alls hins besta í sýnu hlutverki í ár og ykkur félagsmenn góðir gleðilegs sumars og hvað sjálfan mig varðar er ég stoltur af því að vinna fyrir þennan elsta og stærsta klúbb landsins.

Áfram GR
Brynjar Eldon Geirsson Íþróttastjóri GR

Æfingahringir fyrir unglingamót GSÍ sumarið 2009

Undarfarin ár hafa þjálfarar farið með keppendum í æfingahringi á þeim völlum sem leikið hefur verið á með rútu og hefur það reynst vel. Nú í sumar verður breyting á þessu fyrirkomulagi á meðan peningar eru ekki til fyrir þessum ferðum getum við ekki boðið upp á þessar í ár og þurfa því leikmenn að koma sér sjálfir í æfingahringi og á mót sumarsins.

Ég hvet leikmenn og foreldra til þess að tala sig saman og nota ferðirnar á einkabílum sem allra best. Unglingaleiðtogi klúbbsins mun vera keppendum til halds og trausts á öllum mótum sumarsins og aðstoða þá á meðan á móti stendur. Við stefnum að sjálfsögðu að því að taka þessar ferðir upp að nýju um leið og forsendur leyfa það á ný.

Með bestu kveðju
Brynjar Eldon Geirsson Íþróttastjóri GR

Skráning í sumarstarf barna og unglinga

Þann 20.maí mun hefjast skráning á sumaræfingar Golfklúbbs Reykjavíkur sem mun hefjast eftir töflu þann 1.júní.Mikilvægt er að allir sem ætla sér að æfa í sumar klári að skrá sig og greiða æfingargjöld því annars fær viðkomandi ekki að taka þátt í starfinu. Æfingatöflur allra hópa eru að finna á http://www.grgolf.is/ undir unglingastarf. Harpa Ægisdóttir mun taka við skráningum í starfið á skrifstofu GR í síma 585-0200 eða á tölvupósti [e-mail]

Vetraræfingarnar hafa gengið vel í allan vetur og hlökkum við til að fylgjast með krökkunum okkar í sumar.Ég vona að sjá sem flesta í sumarstarfinu í ár og um leið vil ég óska öllum félagsmönnum GR gleðilegs golfsumars og til hamingju með GR í 75 ár

 

Með bestu kveðjum,
Brynjar Eldon Geirsson Íþróttastjóri GR.