Jólapúttmót og jólafrí

Hæ öll

Viljum byrja á því að þakka öllum fyrir frábæra bíóferð og um leið þakka Laugarásbíó kærlega fyrir okkur.

Núna er seinasta vikan fyrir jólafrí runnin upp og stendur jólafríið frá 20. desember til 5. janúar.

Mánudaginn 20. des verður haldið hið árlega JÓLAPÚTTMÓT GR-unglinga. Mótið hefst á Korpu kl 16:00 og er hægt að spila til 18:00. 

Veitt verða verðlaun fyrir efstu sæti.

Allir að mæta hvort sem þeir eru í almennu eða afreksstarfi!!

Sjáumst Hress

Kv. Jólasveinarnir

BÍÓFERÐ MÁNUDAGINN 13. DESEMBER

Jæja þá er komið að árlegri bíóferð GR-unglinga í Laugarásbíó sem verður nk mánudag 13 des

Krakkarnir koma sér sjálf á staðinn.

3 sýningar verða í boði og eru þær eftirfarandi:

Kl: 18:00 - Niko og leiðin til stjarnanna  http://laugarasbio.is/?p=movie&id=96

Kl: 18:00 - Artúr 3: Tveggja heima stríðið  http://laugarasbio.is/?p=movie&id=76

Kl: 19:00 - Narnia: The Voyage of the Dawn Treader 3D  http://laugarasbio.is/?p=movie&id=70

Hægt er að kynna sér myndirnar og sjá sýnishorn með því að fara á linkana fyrir aftan. ATH Narnia er löng mynd sem er búin í kringum 10.

Krakkarnir fá frítt inn á myndirnar og verða þjálfarar í hurðinni sem afhenda miðana. Ef krakkarnir ætla að kaupa eitthvað í sjoppunni þurfa þau að koma með pening fyrir því.

Leifilegt er að taka með sér einn gest hvort sem það er fjölskyldumeðlimur eða vinur.

Vonumst til að sjá ykkur öll

Kveðja Strákarnir

 

Æfingar falla niður þennan dag.

 

 

Tilkynning vegna skilmála í Spánarferð

Því miður þá varð innsláttarvilla í fréttinni hér að framan varðandi Spánarferð unglinga vorið 2011.

Í "SKILMÁLA UM SKRÁNINGU OG STAÐFESTINGARGJALD" hlutanum - lið b., stóða að "yngri en 14 ára séu í fylgd og ábyrgð foreldra", en þar átti að standa "14 ára og yngri".

S.s. þeir sem eru fæddir 1997 og síðar þurfa fylgd.

Við biðjumst velvirðingar á þessu.

Mbk, nefndin

 

Tilkynning, Spánarferð 2-9 apríl 2011

Æfingaferð unglinga- og afreksstarfs GR

Costa Ballena, Spáni 2.-9. apríl 2011

 

 

Ferðatilhögun:

02. apríl: Flug FI1522  Kef – Sevilla kl. 8:00 – 14:20

09. apríl: Flug FI1523  Sev –Kef kl. 15:00 – 17:20

 

VERÐ OG SKILMÁLAR

Fyrir unglingana

Kr. 150.500 í tvíbýli per mann.

Kr. 144.500 í þríbýli per mann.

 

Innifalið er flug, flugvallarskattar, flutningur golfsetta, rútur til og frá flugvelli, ótakmarkað golf, æfingaboltar, golfkerrur og fullt fæði með drykkjum í hádeginu sbr. djús og vatn.

 

Fyrir foreldra

149.000 í tvíbýli per mann.

Aukagjald fyrir golfskóla er kr. 25.000 kr.

Innifalið er það sama og hjá unglingunum fyrir utan hádegismatinn.

Verð án golfs er 120.000. í tvíbýli per mann.

 

Skilmálar um skráningu og staðfestingargjald:

A.    Markmið ferðarinnar er að undirbúa keppnisfólkið okkar fyrir mót sumarsins.  Þrír þjálfarar fara með í ferðina og takmarkast fjöldi unglinga í ferðinni við afkastagetu þeirra.  Þeim sem stendur til boða að skrá sig í ferðina eru allir unglingar í afreksstarfi og mfl. kvenna, alls 38 kylfingar. 

B.    Unglingar í almennu starfi sem stefna á þátttöku á unglingamótaröðinni næsta sumar og áhuga hafa á að fara í æfingaferðina geta einnig skráð sig.  Ekki er unnt að tryggja að unglingar úr almennu starfi komist í æfingaferðina og verða aðstæður metnar eftir fjölda þeirra sem skrá sig. 

C.    Fjöldi sæta sem okkur stendur til boða er takmarkaður og því er nauðsynlegt að setja upp forgangsröðun ef eftirspurn verður umfram framboð.

D.    Staðfesta þarf þáttöku í síðasta lagi 12. desember.

E.    Greiða þarf staðfestingargjald kr. 30.000 fyrir 17. desember.  Mælt er með að staðfestingargjald verði greitt með kredidkorti vegna trygginga.

F.     Búið skal að greiða fyrir 15. janúar  a.m.k. 120.000 kr  í ferðinni per mann!

G.   Foreldrar og aðrir aðstandendur:

a.     Foreldrar þurfa að skrá sig á sama tíma og unglingarnir eða fyrir 12. desember.

b.     Skilyrði er að þeir sem eru 14 ára og yngri séu í fylgd og á ábyrgð foreldris eða annars ábyrgðarmanns.  Þessir foreldrar hafa forgang umfram foreldra eldri unglinga.

c.     Foreldrar hafa forgang fram yfir systkini og aðra aðstandendur.

d.     Ef ekki fást sæti fyrir alla foreldra sem skrá sig gæti þurft að skera niður þannig að miðað verði við 1 foreldri pr. ungling.

E. Mikilvægt:

 

a)    Ofangreindir skráningartímar gilda alfarið um forgangsröð í ferðina.

b)    Þeir sem skrá sig eftir 12. desember fara aftast í röðina án tillits til þess hvort um ungling eða foreldri er að ræða

c)     Þeir sem skrá sig og greiða ekki staðfestingargjaldið á réttum tíma fara aftur fyrir röðina og tekið verður inn af biðlista ef hann er til staðar.  Unglingarnir hafa forgang af biðlista.

d)    Ef sæti eru laus eftir 17. desember gildir reglan um að fyrstur kemur fyrstur fær. Gildir í þessu sambandi einu hvort um ungling eða foreldri er að ræða. 

 

Skráning fer fram með því að senda tölvupóst á [e-mail]

Vinsamlega tilgreinið eftirfarandi upplýsingar við skráningu:

Nafn

Kennitölu

Heimilisfang

Síma

Netfang

 

Kveðja

Íþróttastjóri, þjálfarar, unglinga- og afreksnefnd

 

Upplýsingafundur í golfskála GR í Grafarholti í kvöld kl 19:00

Minnum á UPPLÝSINGAFUND fyrir foreldra, forráðamenn og krakka sem stunda æfingar í almennu eða afreksstarfi barna og unglinga GR.

Fundurinn fer fram í golfskála GR í Grafarholti og hefst kl 19:00. 

Æfingar í Básum hjá almennum hópum falla niður í kvöld eftir kl 19:00, aðrar æfingar standast samkvæmt töflu.

Æfingar i Korpu hjá afrekshópum DRENGJA A-B og hjá STÚLKUM A falla niður, aðrar æfingar standast samkvæmt töflu.

Hlökkum til að sjá sem flest ykkar á fundinum,

Mbk, þjálfarar

ATH BREYTT TÍMASETNING Á UPPLÝSINGAFUNDI!!

Vegna ófyrirsjáanlegra ástæðna þurfum við að færa fundin sem átti að halda í Grafarholti þangað til á Þriðjudaginn 7. desember.

Við biðjumst velvirðingar á þeim óþægindum sem þetta kann að valda.

Bestu kveðjur

Þjálfarar

Upplýsingafundur miðvikudaginn 1. des

Á miðvikudaginn nk., 1.desember verður haldinn árlegur upplýsingarfundur fyrir þáttakendur, foreldra og forráðamenn þeirra sem eru skráðir á almennar- eða afreks- golfæfingar á vegum Barna og Unglingastarfs GR fyrir veturinn 2010-2011.

Fundurinn verður í golfskálanum Grafarholti og hefst hann kl 19:00.

Mbk, þjálfarar

Upplýsingarfundur í næstu viku

Í næstu viku verður haldinn árlegur upplýsingarfundur fyrir þáttakendur, foreldra og forráðamenn þeirra sem eru skráðir á almennar- eða afreks- golfæfingar á vegum Barna og Unglingastarfs GR fyrir veturinn 2010-2011.

Nánari upplýsingar um tímasetningu fundarins og staðsetningu verða birtar hér og á Facebook síðu starfsins næstkomandi mánudag.

Mbk, þjálfarar

Vinsamlegast skila fötum á skrifstofu GR

Allir þeir krakkar sem fengu fatnað fyrir Sveitakeppni unglinga síðasta sumar þurfa að skila þeim á skrifstofu GR.

Mbk

Þjálfarar

Einkatímar hjá afrekshóp E & F

Einkatímar hjá afrekshóp E & F á þriðjudögum eru eftirfarandi.

F- Hópur

15:00-15:30 Oddur Bjarki Hafstein og Friðrik Jens Guðmundsson

15:30-16:00 Oddur Þórðarson og Kristófer Daði Ágústsson

E- Hópur

20:00-20:30 Jón Valur Jónsson og Jóhannes Guðmundsson

20:30-21:00 Theodór Ingi Gíslason og Óttar Magnús Karlsson

 

Kv.

Siggi