Örn veikur í dag 25.apríl..:(

Hæ krakkar....:)

Mér var ráðlagt af lækni að vera sem minnst úti við vegna veikinda og mun ég því ekki ná æfingu í kvöld. Ég mætti í gær á Korpuna þar sem sú æfing var inni við. Sem áður þá hvet ég ykkur til að mæta og æfa sjálf. Þið getið fengið bolta í afgreiðslunni.

kv Örn 

Örn veikur í dag mánudag 23.04.2012:(

Hæ krakkar...

Ég virðist hafa náð mér í einhverja pesti á Spáni því ég ligg nú í rúminu veikur. Ég mun því ekki geta mætt á æfingu í dag. Ég hvet ykkur til að mæta samt sem áður og æfa ykkur. Þið getið fengið bolta í afgreiðslunni á Básum. 

kv Örn 

Kveðja frá Spáni

Kæru vinir,

Til að byrja með þá vildi ég nota tækifærið og þakka öllum krökkum, foreldrum og forráðamönnum kærlega fyrir ferðina til Novo....:-)

Eins og ég nefndi við ykkur sem eruð hjá mér í þjálfun þá þarf ég að vera hér á Spáni til 2.maí. Þegar ég kem heim þá hefst lokaundirbúningur fyrir Arion mótaröðina og mikilvægt að allir fari vel yfir mótaskránna og geri ráðstafanir með fjölskyldunni. Næstu daga eru flest ykkar að undirbúa próf og þau ykkar sem voruð hér á Spáni vitið í hverju þið eigið að vinna þangað til ég kem heim. Ég mæli með því að þið reynið að fara út á völl eins mikið og þið mögulega getið og notið tímann vel til að skerpa á pútternum inni á Korpunni. Það var gaman að sjá hversu margir tóku þátt í opnunarmóti Korpunnar og sérstaklega gaman að sjá að Spánarfararnir voru að raða sér í efstu sæti í höggleiknum.

Ef þið lendið í vandræðum með leikinn ykkar á meðan að ég er hér á þá getið þið alltaf leitað til Jóns Þorsteinn "Bóndans" og hann myndi glaður hjálpa ykkur.

Að lokum þá vill ég óska Höllu Ragnars til hamingju með mótið á Írlandi þar sem hún var hársbreidd frá því að komast í gegnum niðurskurðinn eftir 36 holur. Hún verður reynslunni ríkari þegar hún kemur heim....:-) 

Hlakka mikið til að sjá ykkur og verið dugleg að æfa þangað til ég kem heim.

 Mbk, Árni Páll