Progolf mót 1

Fyrsta mótið í Progolf mótaröðinni verður haldið næstkomandi miðvikudag 20. júní. Mæting er á efri hæð korpúlfsstaða kl. 8.15. Leikið verður á Litla vellinum.

Þetta mót er eingöngu ætlað þeim sem taka þátt í almennu starfi klúbbsins. Afrekshópar mæta ekki í þetta mót. 

Allar almennar æfingar falla niður þennann dag en ætlast er til að þið mætið í mótið. Við viljum hvetja ykkur öll til að mæta hvort sem þið hafið mikla reynslu eða litla á þátttöku í golfmótum. Það eitt að taka þátt er mjög góð og mikilvæg reynsla fyrir ykkur .

Við værum líka mjög þakklátir fyrir aðstoð foreldra í mótshaldinu. Sú aðstoð fælist að mestu í því að vera til staðar og fylgjast með.

Hlökkum til að sjá ykkur sem flest .

Mbk, Þjálfarar.

Unglingalandsmót UMFÍ, upplýsingar

Til upplýsingar:
Um næstu Verslunarmannahelgi fer fram á Selfossi Unglingalandsmót UMFÍ þar sem búist er við allt að 2.500 keppendum á aldrinum 11 – 18 ára í 14 keppnisgreinum ásamt afþreyingu, skemmtunum og þjónustu fyrir keppendur og fjölskyldur þeirra.
 
Á Selfossi eru mjög glæsileg íþróttamannvirki og á sveitarfélagið og forystumenn þess heiður skilinn fyrir glæsilega uppbyggingu.   Nýir keppnisvellir og áhorfendaaðstaða til viðbótar við góðan gervigrasvöll og æfingasvæði og nálægðin við íþróttahúsin Iðu og Vallaskóla, með sundlaugina og skólamannvirkin í seilingarfjarlægð, skapar einstaka möguleika til að halda heildstætt mót bæði innan húss og utan. Keppnisvöllur í hestaíþróttum og reiðhöll eru í göngufjarlægð og síðan verður golfkeppni og mótorkross á sínum stað. Tjaldsvæðið er í göngufæri við aðalkeppnissvæðið.  Þessi aðstaða sem búin er mótshaldinu, jákvætt viðhorf og áhugi bæjarstjórnar og starfsfólks sveitarfélagsins skapar einstæða möguleika á að mótið takist vel.
Allar nánari upplýsingar á heimasíðu mótsins:
http://umfi.is/umfi09/unglingalandsmot/um_motid/
 

Muna að skrá sig á rástíma fyrir þriðjudagsmorgun

Hæ krakkar,

Á þriðjudag byrja rástímarnir okkar í Grafarholtinu. Við eigum rástíma frá 08:00-08:50 og það verður sett upp skráningarblað í afgreiðslu Bása á morgun og allir sem ætla að spila verða að skrá sig..... 

Hlökkum til að sjá sem flest ykkar spila og munið að þetta eru rástímar fyrir alla í unglingastarfinu ekki bara afrekshópa......:-)

Munið svo að æfa eins og þið getið í vikunnu og spilið Korpuna eins oft og hægt er því næsta mót á Aron mótaröðinni er spilað á Korpunni. Þar ætlum við að eiga gott mót og skila fullt af dollum í hús.......;-)

Mbk, þjálfarar