GR krakkarnir standa sig vel í USA

Guðmundur Ágúst Kristjánsson lék afar vel á öðrum degi US Junior Masters á Ponte Vedra Beach á Florida í dag, en hann fór hringinn á 72 höggum, eða á pari. Þetta er mikill viðsnúningur frá fyrsta deginum þegar Guðmundur lék á 81 höggi og komst hann upp í 17. sæti á níu höggum yfir pari.

Haraldur Franklín er einu höggi á eftir Guðmundi eftir að hann lék á 80 höggum í dag, en efstir í piltaflokki eru heimamaðurinn Justin Thomas og Kóreumaðurinn Ju Hyuk Park á tveimur höggum undir pari.

Í stúlknaflokki er Ólafía Þórunn Kristinsdóttir á 19 yfir pari eftir að hafa leikið á 80 höggum í dag. Rétt á eftir henni, á 22 yfir pari, er Sunna Víðisdóttir. Efst er Juliet Vongphoumy á tveimur höggum undir pari.

Níu Íslendingar eru meðal keppenda á þessu móti, en lokahringurinn verður leikinn á morgun.