Sveitir GR fara vel af stað í Sveitakeppni GSÍ

Keppnissveitir unglinga fara vel af stað í Sveitakeppni unglinga sem haldin er á Flúðum og í Kiðjabergi um þessa helgi. Höggleikurinn fór fram í dag og stóðu sveitirnar okkar sig vel og komu sér allar í þægilega stöðu fyrir fyrstu holukeppnisleikina.

17 - 18 ára piltar sigruðu í höggleik

17 - 18 ára A - sveit stúlkur sigruðu í höggleik og B sveitin kom sterk inn og tók 3. sætið

16 ára og yngri drengir A - sveit endaði í 2. sæti og B - sveitin er í 10. sæti eftir höggleikinn

 Mikil stemmning er í okkar sveitum fyrir átökin og margir foreldrar fylgdu sveitunum og einnig afreksnefndarmenn,þjálfari og liðstjórar eru keppendum til halds og trausts.

Ég sendi baráttu kveðjur austur  og vona að sveitirnar okkar komi með bikarana í Grafarholtið á sunnudaginn.

Kveðja Brynjar Eldon Geirsson Íþróttastjóri GR