PRO GOLF mótaröðin:

PRO GOLF mótaröð:

Sæl veriði

Ég vil byrja á að afsaka það að úrslit úr PRO GOLF móti 3. eru ekki komin hér inn á síðuna. Skorkortin eru stödd á skrifstofu GR og mér hefur verið lofað að skorið verði slegið inn á golf.is í vikunni, um leið og ég fæ þau í hendurnar hendi ég úrslitunum inn hérna og á bloggsíðuna flokk fyrir flokk.

Annars ætlum við að breyta út af vananum með framkvæmd á síðasta mótinu þar sem skólar eru byrjaðir og mörg ykkar tímabundin. Mótið fer fram núna á mánudaginn kemur, 2. september á litla vellinum á Korpu, það er frjáls mætingartími milli kl 13:00 - 16:00 og við Jón Þorsteinn verðum á svæðinu til að para saman í holl og fylgja ykkur eftir á vellinum. 3 bestu skorin úr mótunum fjórum telja svo hjá hverjum og einum þannig að við hvetjum að sjálfsögðu alla til að mæta og taka þátt til að bæta heildarskorið sitt.

Skráning fer fram í Básum og mikilvægt er að setja fullt nafn og kenntölu á skráningarblaðið. Við hlökkum til að sjá sem flesta og foreldrar eru að sjálfsögðu
velkomnir eins og alltaf.

Lokahóf og verðlaunaafhending fer svo fram í lok september og verður auglýst nánar síðar.

Áfram GR!

Kv Snorri Páll