Stelpurnar heitar á Áskorendamótinu í gær..!

Í gær fór fram 5. Áskorendamót sumarsins og voru GR-ingar mættir á svæðið að vanda.

Hún Saga okkar Traustadóttir gerði sér lítið fyrir og sigraði í flokki stúlkna 14 ára og yngri...! Ekki nóg með það heldur spilaði hún undir 90 í fyrsta sinn í GSÍ móti eða á 88 höggum sem er frábær árangur... Ekki nóg með það heldur lenti hún Karen Ósk Kristjánsdóttir í 2. sæti í sama flokki og eins og við sáum í Landsmótinu í Holukeppni um í síðustu viku þá er framtíðin björt hjá fjórmeningunum í Afrekshóp B Stúlkna. Af hinum tveim í þessum hóp, þeim Evu Karen og Gerði Björk var það að frétta að Eva endaði í 6. sæti og Gerður í því 9. Við hlökkum til að sjá þessa 4 skvísur blómstra enn frekar á næstunni. 

Í flokki 14 ára og yngri drengja tóku 10 GR-ingar þátt og má það teljast mjög góð þátttaka. Efstur af þeim endaði Eggert K. Kristmundsson í 5. sæti á 79 höggum. Næstur honum kom svo Friðrik Jens Guðmundsson í T17 sæti á 88 höggum. Andri Búi var í 24. sæti, Alexander Pétur í 26., Andri Þór í 30., Arnar Ingi í 31., Oddur Bjarki í 34. og Oddur Þórðar og Elvar Már enduði saman í 37. sæti.

Frábært að sjá hversu margir krakkar eru að mæta á þessi mót og greinilegt að þetta fyrirkomulag er að slá í gegn.

Sjáumst öll hress í næstu viku.

Kv Árni Páll og Siggi Pétur