3 gull, 5 silfur og 2 brons...........:-)

í dag lauk 2. stigamóti GSÍ á Korpunni og GR´ingar áttu frábært mót á heimavelli...

Eftirfarandi er þeir krakkar sem lentu í top 10 í sínum flokkum:

Piltar 17-18 ára:

1. Guðmundur Ágúst Kristjánsson (Pjakkurinn gerði sér lítið fyrir og spilaði á 10 höggum undir pari og setti glæsilegt vallarmet í dag, 63 slög.....!!!!!!!!, algjörlega frábært)

2. Guðni Fannar Carrico (Mjög steady spilamenska og allur að koma til gamli refurinn)

3. Magnús Björn Sigurðsson (Hair-DÚIÐ hreyfðst ekki cm alla helgina hjá þessum meistara)

4. Gísli Þór Þórðarson (frábært mót hjá Gísla, massíf lækkun og sjálfstraustið á flugi)

Stúlkur 17-18 ára:

2. Íris Katla Guðmundsdóttir (Mjög flott mót hjá Írisi og sérstaklega vel spilað í dag, öryggið og sjálfstraustið eykst með hverju móti)

3. Hildur Kristín Þorvarðardóttir (Þrátt fyrir 3x double og eina 11 í dag þá var Hildur að lækka sig fjórða hringinn í röð á mótaröðinni...!.. Hún er ótrúlega stutt frá því að brjótast almennilega í gegn, flott mót)

Drengir 15-16 ára:

2. Stefán Þór Bogason (Afmælisbarnið gerði sér lítið fyrir og hirti 2. sætið með frábærlega stöðugri spilamensku, til hamingju með daginn)

5-6. Árni Freyr Hallgrímsson (AKA Mr. Skyr.is, þvílíkt mót hjá kappanum..! massíf lækkun og allt að gerast)

8. Halldór Atlason (Eftir frábæran 1. hring fataðist meistaranum aðeins flugið á seinni 9 í dag og mun eflaust læra heilan helling af þessum hring, fer í reynslubankann)

Stúlkur 15-16 ára:

1. Sunna Víðisdóttir (Sunna með frábært mót og tekur sinn 2. sigur í röð...!)

6-7. Halla Björk Ragnarsdóttir (Endaði mótið með glæsibrag síðustu 9 holurnar og ætlar að byggja restina af sumrinu á sömu nótum, farinn að nálgast pabba gamla ískyggilega hratt í forgjöf...!)

8. Rún Péturs (Rún á eftir að mæta öskuvitlaus í næsta mót og kveikja í vellinum með lágu skori)

10. Ásdís Einarsdóttir (Bætti sig um 8 högg milli hringja og er öll að koma til)

Drengir 14 ára og yngri:

1. Gunnar Smári Þorsteinsson (Ricky Fowler Íslands.... gerði sér lítið fyrir og saltaði flokkinn. Stubbur var ekki með nema 82 punkta í mótinu..! geri aðrir betur. Gunni á eftir að koma skemmtilega á óvart í sumar)

2. Kristinn Reyr Sigurðsson (Við vitum öll að Kiddi er eldfjall sem á eftir að gjósa mjög fljótlega og spúa ösku yfir keppinauta sína, bíðið bara og sjáið "He will be back"..)

9. Ernir Sigmundsson (Allt að koma hjá gjamla, þegar pútterinn fer að hitna þá ættu menn að fara að passa sig)

Stúlkur 14 ára og yngri:

2. Ragnhildur Kristinsdóttir (Hún Ragga er dýrvitlaus eftir ósigur dagsins. Já "ósigur" því í hennar huga er 2. sæti tapsæti.... Ég myndi vara mig ef ég væri stelpa í hennar flokk á næsta móti því það verða eldingar (bara á hennar brautum) á Hellu eftir hálfan mánuð)

5. Saga Traustadóttir (Saga bætti sig um hvorki meira né minna en 23 högg á milli hringja....!!!! og nældi sér í 44 punkta eftir afrek dagsins. Frábær árangur hjá Sögu)

 

Frábært mót, frábært veður og frábær árangur allra GR krakka sem tóku þátt í mótinu.

Viljum nota tækifærið og minna á 1. PROGOLF mót sumarsins sem verður haldið á Korpunni næstkomandi fimmtudag, 10. júní. Skráning fer fram í versluninni á Korpunni. Nánar um mótið síðar í vikunni.

Og að lokum þá viljum við segja frá því að stjórn GR hefur úthlutað unglingastarfinu rástíma í allt sumar á þriðjudögum frá 08:00 - 08:30.  Þetta er í fyrsta skipti í sögu klúbbsins sem unglingastarfið fær rástíma og því mikilvægt að við fyllum alltaf í þessi holl í hverri viku og sínum þar með þörfina fyrir lengri rástíma úthlutun á næsta ári. Nánar um þetta á morgun.

Mbk Árni Páll, Siggi Pétur, Binni og Óli Már