Þú ert það sem þú borðar (;

GOLFfitness-mataræðið
Mataræðið skiptir miklu máli þegar á völlinn er komið en í raun getum við sagt að sá matur
sem við höfum neytt áður en við förum á völlinn skipti enn meira máli því það hvernig þið
eruð að borða yfir daginn áður en að spilinu kemur getur hjálpað okkur gríðarlega í spilinu og
skilað okkur orkumiklum og úthaldsgóðum vöðvum eða að við getum gjöreyðilagt hringinn
ef blóðsykur er á flakki og orka og einbeiting þar af leiðandi í lágmarki.
Trefjarík fæða hefur hægara niðurbrot/upptöku sem þýðir að orkan
sem við fáum úr fæðunni endist okkur lengur og hjálpar til við að halda
blóðsykrinum í jafnvægi sem er alveg málið ef við viljum forðast það að
orkan sé að detta niður og valda okkur þreytutilfinningu eða einbeitingarleysi.

Trefjarík kolvetni veita góða mettun án þess að vera kaloríuríkar og geta þess vegna verið frábærar fyrir þá golfara sem eru einnig
að reyna að léttast. Grænmeti, ávextir og heilhveiti innihalda líka mikið magn vítamína og steinefna sem eru mikilvæg til að viðhalda
jafnri orku og góðri heilsu. 20-35 gr af trefjum er dagsskammturinn og ætti að koma frá blöndu af mismunandi mætvælum. 
Dæmi um trefjarík og holl matvæli sem gott er að hafa á matseðlinum, daglega!
- Heilhveiti, spelt, grófkorna eða próteinbættar hveitiafurðir
 -Brún grjón
- Ferska ávexti, með hýðinu
- Ferskt grænmeti eða frosið
- Rúsínur
- Baunasúpur
- Trefjaríkt og sykursnautt morgunkorn

Golf krefst jafnrar og góðrar orku í þann tíma sem þið eruð að spila. Kolvetni með
hátt magn trefja eru málið og algerlega ber að forðast sætindi, gosdrykki og önnur einföld
kolvetni þar sem þau hækka blóðsykurinn mjög skarpt og síðan er það fallið sem þið
finnið fyrir eftir u.þ.b. klukkustund. Lágur blóðsykur þýðir þreyta, einbeitingarleysi og
sljóleiki, ekki eitthvað sem þið viljið upplifa á vellinum. Skoðið viðhengið og prófið þessa
vel samsettu drykki sem nýjan valkost á vellinum.