Upplýsingar varðandi Spánarferð GR í vor

Æfingaferð unglinga- og afreksstarfs GR

Novo Sancti Petri, Spáni 10.-19.  apríl 2012

 

Ferðatilhögun:

10. apríl: Kef – Jerez - seinni part eða kvöldflug nánar auglýst síðar

19. apríl: Jerez –Kef - heimflug um kl. 14 nánar auglýst síðar

 

VERÐ OG SKILMÁLAR

Fyrir unglingana

Kr. 165.000 m.v. tvíbýli.

Verið er að vinn að tilboði fyrir þríbýli.  Reiknað er með að það verði um kr. 5.000 ódýrara.

 

Innifalið er flug, flugvallarskattar, flutningur golfsetta, rútur til og frá flugvelli, ótakmarkað golf, æfingaboltar, golfkerrur og fullt fæði með drykkjum í hádeginu sbr. djús og vatn.

 

Fyrir foreldra

Kr. 166.000 í tvíbýli per mann.

Innifalið er það sama og hjá unglingunum fyrir utan hádegismatinn.

Verð án golfs er kr. 135.000. í tvíbýli per mann.

 

Skilmálar um skráningu og staðfestingargjald:

A.     Markmið ferðarinnar er að undirbúa keppnisfólkið okkar fyrir mót sumarsins.  Þeim sem stendur til boða að skrá sig í ferðina eru allir unglingar í afreksstarfi og mfl. karla og kvenna.

B.     Skráningarfrestur í ferðina er til 31. desember 2011.

C.     Greiða þarf staðfestingargjald kr. 35.000 í síðasta lagi 10. janúar 2012.  Mælt er með að staðfestingargjald verði greitt með kreditkorti vegna trygginga.

D.     Ferðin skal greidd að fullu fyrir 1. mars 2012.

E.     Foreldrar og aðrir aðstandendur:

a.     Foreldrar þurfa að skrá sig á sama tíma og unglingarnir eða fyrir 31. desember.

b.     Skilyrði er að þeir sem eru 14 ára eða yngri séu í fylgd og á ábyrgð foreldris eða annars ábyrgðarmanns.

c.     Ef ekki fást flugsæti fyrir alla sem skrá sig hafa foreldrar forgang fram yfir systkini og aðra aðstandendur.

d.     Ef ekki fást flugsæti fyrir alla foreldra sem skrá sig gæti þurft að skera niður þannig að miðað verði við 1 foreldri pr. ungling.

E. Mikilvægt:

Ferðaskrifstofan heldur frá sætum fyrir þá sem skrá sig til 10 janúar.  Ekki verður haldið frá sætum fyrir þá sem ekki greiða staðfestingargjaldið á réttum tíma.   Ath. að um vinsæla tímasetningu er að ræða og eru ferðir á ýmis golfsvæði í almennri sölu hjá ferðaskrifstofunni og því takmarkaður sætafjöldi í flugvélinni.

 

Skráning fer fram með því að senda tölvupóst á [e-mail]

Vinsamlega tilgreinið eftirfarandi upplýsingar við skráningu:  Nafn, kennitölu, heimilisfang, síma, netfang

 

Kveðja

Íþróttastjóri, þjálfarar, unglinga- og afreksnefnd

Gleðileg jól og farsælt komandi ár.......!

Kæru GRingar,

Um leið og við þökkum fyrir samveruna, sigrana og allt hið góða sem við upplifðum saman á árinu sem er að líða þá óskum við ykkur og fjölskyldum ykkar gleðilegra jóla, farsældar, lægri forgjafar, lægra skori, og mörgum sigrum á golfvellinum á næsta ári..............:-)

GLEÐILEG JÓL OG FARSÆLT KOMANDI ÁR...

Kv

Þjálfarar

 

ATH breytt tímasetning á Spánarferð.....!

Sæl kæru kylfingar og aðstandendur

Eftir fundinn þar sem kynnt var æfingaferð vorsins kom í ljós að lokapróf PGA golfkennara verður á sama tíma og ferðin okkar átti að vera í lok mars.  Þar sem okkar ástkæri og ómissandi þjálfari Árni Páll er einn þeirra sem fer í lokaprófið er ekkert annað í stöðunni en að færa ferðina okkar.

Eftir mikil fundarhöld og frábært viðmót Harðar hjá Heimsferðum hefur málið verið leyst með þeim hætti að við förum  út 10.-19. apríl.  Helstu kostir þess að fara á þessum tíma frekar en um miðjan mars eru þeir að við komum heim einum mánuði fyrir fyrsta mót, sem við teljum mikilvægt.  Þá eru auðvitað líkur á að veðrið verði betra á þessum tíma.

Ferðin verður 9 nætur í stað 7 og verður því dýrari en það verða aðeins um kr. 5.000 sem bætast við kostnað hvers og eins, sem verður að teljast frábært.

Allt annað verður að mestu eins og kynnt var á fundinum á Korpunni.

Við vonum að þessi breyting valdi ekki óþægindum og erum sannfærðir um að þetta verður frábær byrjun á góðu golfsumri hjá okkur.

Nánari upplýsingar verða sendar á næstu dögum.

Kveðja
Þjálfarar og unglinga- og afreksnefnd